Wala nay kampanya sa adlaw’ng Domingo

CEBU, Philippines - Gipahinumduman sa Commission on Elections ang mga kandidato ug ang ilang mga dumadapig kutob na lang gyud sa Sabado sa tungang gabii ang pangampanya.

Karong Domingo, gidid-an na sa Comelec ang mga kandidato ug ang ilang mga supporters sa pagpangampanya ug gipahinumduman nga sila mahimong pasakaan og kaso kun moinsister.

Pahimangno sa Comelec nga unta sundon sa mga kandidato ang tukma nga mga lagda.

Si Comelec-7 Regional Director Jose Nick Mendros nagkanayon nga karong Domingo mao ang adlaw nga gitagana alang sa pag-relax aron pagpangandam sa eleksyon inigkaugma.

Gidili atol sa adlaw sa piniliay ang pagsuot og mga T-shirt nga may slogan, ballers. nawong o numero sa mga politiko.

Sugod usab karong Domingo sa tungang gabii estrikto na nga ipatuman ang liquor ban hangtod na sa adlaw nga Lunes. Apan hinoon ang mga tourist-oriented nga mga balay-patigayon dili apil sa ban.

Giawhag hinoon ang mga tagdumala niining maong mga balay patigayon sa pagkuha og permiso sa Comelec ug sa Department of Tourism (DOT) (BANAT NEWS)