Pamuo dalan sa pagkabalaan
CEBU, Philippines - Si Auxiliary Bishop Oscar Jaime Florencio sa Archdiocese of Cebu nihulagway nga ang trabaho maoy dalan sa pagkabalaan.
Kini iyang gipadayag atol sa pagselebrar niya sa misa sa kapistahan ni Saint Joseph the Carpenter Parish, Nueve Caseres Oslob, Cebu.
Matud pa ni Florencio, ang pagtrabaho dili usa ka kastigo tungod kay nakasala ang tawo, kung dili nagpakita kini nga ang tawo adunay dignidad.
Sumala pa ni Florencio ang trabaho nagpakita kini nga ang tawo adunay panglantaw ug produkto sa gasa sa kaalam.
Dugang pa ni Florencio ang tiunay nga lihok o trabaho sa tawo mao ang hinungdan sa iyang pagkabalaan, apan kung ang pagtrabaho aron lang magpaka arong ingnon dili kini maayo.
Giawhag usab ni Florencio ning adlaw sa pamuo ang mga magpapatigayon o mga agalon sa mga trabahante nga ihatag kung unsay tukma ug haom para sa mga empleyado.
Gipadayag ni Florencio, sama kang San Jose unta adunay kaangayan ang paghatag sa tukma nga suhulan sa mga trabahante. (BANAT NEWS)
- Latest