Winston, Davide wa nag-abot
CEBU, Philippines - Namirma og peace covenant ang mga lokal nga kandidato sa Probinsiya sa Sugbo nga gipasiugdahan sa Cebu Provincial Police Office, Commission on Elections, Armed Forces of the Philippines ug simbahan aron pagseguro sa hapsay ug malinawon nga eleksiyon karong Mayo 9.
Si Gobernador Hilario Davide III ug Bise Gob. Agnes Magpale sa Liberal Party nitunga apan wala si Winston Garcia, pagka-gobernador sa One Cebu Party, hinuon ang iyang runningmate nga si Nerissa Soon-Ruiz ang nitunga. Sa pagpakighinabi sa Banat News ni Garcia siya niingon nga aduna siya’y prior engagement kauban ang mga mayor nga ubos sa One Cebu Party ug nagpadala lang siya og represesentante.
Apil sa nitunga sa pagka-gobernador sila si Nonito Magnanao, Juanito Montenegro sa pagka-bise gobernador; Kongresista Gerald Anthony “Samsam” Gullas Jr. ug kaatbang nga sila si San Fernando Mayor Antonio Canoy ug Michael Nuñez sa unang distrito, ug Bokal Grecilda “Gigi” Sanchez-Zaballero sa pagka-kongresista sa ikatulong distrito.
Sa pagka-kongresista usab mao sila si Bogo City Mayor Celestino Martinez Jr. sa ikaupat nga distrito, Paulus Mariae Cañete ug Mandaue City Mayor Jonas Cortes sa ikaunom nga distrito, ug kanhi kongresista Pablo John Garcia sa ikapitong distrito.
Gipasalig usab ni CCPO Director Clifford Gairanod nga magpabiling neutral ang kapolisan hangtud mahuman ang eleksiyon.
Matud usab ni Comelec-7 Director Jose Nick Mendros nga ilang seguruhon nga dili mahadlok mobotar ang mga botante sa mga voting centers atol sa eleksiyon.
“Peace covenant is designed for them. It is symbolic. It’s up for the candidates to follow. Kung sasabihin na nga ang masusunod, it starts with themselves,” matud ni Mendros. (BANAT NEWS)
- Latest
