Nadasmagan og SUV patay
CEBU, Philippines - Patay ang usa ka 21 anyos nga lalaki human kini nadasmagan og usa ka SUV niadtong Miyerkules sa hapon sa New Imus Road, Brgy. Lorega San Miguel, Dakbayan sa Sugbo.
Giila ang biktima nga si Jecel Pelayo, 21, taga Tabla, Liloan nga nagsakay og motor, samtang ang nakadasmag mao si Marianne Grace Casinillo, 44, taga Sanvile Subd. Wigel St. Basak, Lapu-Lapu City nga nagmaneho og Toyota Revo. Matud ni Senior Police2 Juditho Dinglasa nga si Pelayo gikan sa Carreta paingon sa Lorega samtang si Casinillo gikan sa Lorega ug nag left turn paingon sa Mabolo nga maoy hinungdan nga nag-abot ang duha.
Daling niresponde ang ERUF ug gidala sa tambalanan ang biktima apan gideklarar kini nga dead on arrival ug si Casinillo gidala usab sa tambalanan tungod kay nitaas ang blood pressure niini. (BANAT NEWS)
- Latest