Kusog magpasingit giluba patay

CEBU, Philippines - Patay ang usa ka cigarette vendor nga giingong magsige og padungog-dungog sa usa ka mamaligyaay og prutas diha sa Highway  Seno, Barangay Bakilid, Dakbayan sa Mandaue human kini gidunggab sa gisungog niadtong miaging adlaw.

Ang biktima mao si Nido Panugaling, 58 anyos, taga Sitio San Vicente, lungsod sa Liloan samtang ang suspek mao si Rogilio Igay, 64 anyos taga Barangay Ibabao Estancia sa maong dakbayan.

Si Police Officer 2 Fredelou Quezon sa Presinto 2 sa Mandaue City Police Office (MCPO) miingon nga nahutdan na og pailob ang suspetsado ngadto sa biktima kay pirme siya niining padungog-dungogon aron siya mobalhin og laing pwesto. Ang biktima patay na pag-abot sa  tambalanan, samtang ang suspek gidakop sa mga polis.  (BANAT NEWS)