P6.6B gastohon sa mga watersheds

CEBU, Philippines - Gipundohan sa Asian Development Bank og P6.6 bilyones ang Integrated and Natural Resources and Environmental Management (INREM) Project sa Department of Environment and Natural Resources.

Tumong niini ang pag-atiman sa giila’ng kritikal nga mga watersheds sa nasud.

Nalakip niini ang Wahig-Inabanga River Basin sa Central Visayas.

Laing watersheds mao ang Chico River Basin sa Cordillera Autonomous Region, Bukidnon River Basin sa Northern Mindanao ug Lake Lanao Watershed sa Autonomous Region for Muslim Mindanao. Gisugdan ang proyekto niadtong 2014 ug gikatakda nga mahuman sa 2021. (BANAT NEWS)