Nigulgol sa liog sa asawa gipangita

CEBU, Philippines – Giandam na sa Bogo City Police Station ang kaso’ng parricide batok sa bana nga niluglog sa liog sa iyang asawa sa sitio Maitom, Marangog, sa maong dakbayan niadto’ng Domingo.

Matud ni Police Officer 3 Mary Joy Ylanan nga nagpadayon ang pagpangita sa suspek nga si Gregorio Caminade, 32-anyos, kinsa nisibat human niya patya ang asawa nga si Rhea Mea Caminade, 25-anyos.

Gipahibawo na usab ang kapolisan sa lungsod sa Argao diin lumad ang suspek sa pamasin nga niuli human sa hitabo.

Kapin sa duha ka tuig na nga nagkabuwag ang biktima ug ang suspek apan niadto’ng Pebrero 25 wala damha nga nahiuli sa ilang pinuy-anan sa sitio Maitom ang suspek samtang ang biktima nauli niadto’ng Pebrero 28 tungod kay birthday sa 5-anyos nga anak.

Mao sab kini nga higayon nga nihangyo ang suspek nga makig-uli apan gibalibaran sa asawa. Padulong na unta mangaligo sa dagat ang pamilya diha’ng nahitabo ang krimen. – /GMR) (BANAT NEWS)