Kaso sa pagbanhig sa casino financier blangko
CEBU, Philippines - Blangko pa gihapon ang Investigation Detection and Management Bureau (IDMB) sa pag-ila sa mamumuno sa pinanser sa casino nga gibanhigan sa tulo ka wala hiilhing lalaki sa dalan M. C. Briones, barangay Tipolo, dakbayan sa Mandaue. Si Senior Police Officer 4 Marcos Noval Jr., imbestigador sa IDMB sa Mandaue City Police Office, niingon nga naglakip sa mga anggulo sa kamatayun sa biktima nga si Nestor Jumao-as ang kalambigitan sa negosyo ug personal nga bangi.Sa pasiunang pakisusi nasuta nga si Jumao-as may gikalalis nga gituohang naghambin og pagdumot.
Matud pa ni Noval nga dili mahiklin ang katahap nga gikasinahan ang biktima sa mga tawo tungod sa maayong dagan sa negosyo niini sa casino.
Nasayran nga si Jumao-as gikan pa sa casino sa Waterfront Hotel Mactan sa dakbayan sa Lapu-Lapu ug nag-inusara kini’ng nagsakay sa iyang sakyanan pauli sa ilang balay sa Pardo, dakbayan sa Sugbo. (BANAT NEWS)
- Latest
