Nangubkob og balas sa dagat sa Samboan sikop
CEBU, Philippines - Pito ka mangubkobay og balas ug graba ang nangasikop sa kapolisan human nga gisumbong tungod sa ilegal nga quarying operation diha sa baybayon sa Barangay Suba sa lungsod sa Samboan.
Ang mga nasikop naila nga sila si Joel Elum, 38; Joey Elum, 31;Ronel Reves, 25; Mauro Catubig, 56; Manolito Illuring, 57; Hermocano Tulabing;54 ug si Danilo Estrera, 42.
Usa ka concerned citizen nga taga Suba ang mitaho sa kapolisan nga may mga tawo nga nangubkob og bas sa baybayon sa ilang barangay.
Si Inspector Carmechaelo Lesoy, ang hepe sa Samboan Police Station mimando sa mga sakop nga susihon ang maong dapit ug ilang naabtan ang pito nga padayong naghakot og balas ug graba ngadto sa ilang trak de karga.
Tungod niadto daling gidakop sa kapolisan ang pito ug gidala ngadto sa presinto ug gikompiskar ang trak nga gigamit sa mga suspek lakip na sa 37 ka sako nga bas. (BANAT NEWS)
- Latest
