Sakto’ng duwaan iparegalo sa kabataan
CEBU, Philippines - Hugot nga nipahimangno ang Department of Health labot sa pagpamalit og mga Christmas gifts ilabi na kun alang sa mga bata diin kinahanglan ikonsiderar ang edad sa hatagan sa regalo.
Si Dr. Expedito Medalla, program coordinator sa Health Emergency Management staff sa DOH-7, miingon nga gawas sa edad sa bata angay usab magmatngon sa chemical content sa mga duwaan kun dili ba kini makadaut sa panglawas. Ang DOH aduna’y gipagawas nga guidelines alang sa pagpalit og mga duwaan sa mga gagmay'ng bata diin angay seguraduhon nga dili kini dali nga madugmok ug dili makasamad.
Ang Food and Drug Administration (FDA) daan na nga niingon nga magbantay sa duwaan nga dunay sagol nga lead nga makadaut sa panglawas. Usa sa bantayan sa mga mamalitay mao ang toxic materials nga naa sagad sa mga duwaan sa mga bata nga nag-edad og 10-anyos paubos.
Ang tibuok Central Visayas ipaubos sa Code White alert sugod karong adlawa ug ang pasabot niini nga ang tana’ng pampublikong tambalanan andam sa bisan unsa’ng panghitabo nga motumaw panahon sa holiday season.
Ang Code White alert status libkason sa Enero 5 sunod tuig ug gawas sa pagmatngon sa mga duwaan giawhag usab ang katawhan nga dili magpalabi og kaon ug inom. (Decemay P. Padilla/GMR)(BANAT NEWS)
- Latest
