Sen. Drilon sagupon sa sugbo
CEBU, Philippines - Sagupon ni Cebu City Mayor Michael Rama si Senador Franklin Drilon isip igsuong senador sa dakbayan.
Matud ni Rama nga daghan og nabuhat si Drilon sa Iloilo maong gusto niya nga mapaambit ang iyang nabuhat alang sa Sugbo.
Giangkon ni Rama nga suod sila nga amigo ni Drilon sukad pa niadtong kalihim pa kini sa Department of Labor and Employment. Si Rama miingon nga kun hisgutan ang kabahin sa kalikupan, magkasinabot sila ni Drilon.
Gipasalig ni Rama nga kun hatagan lang siya og pundo alang sa proyekto, siya na ang bahala niini gamit ang iyang political will.
"We are one people of Cebu, we will make sure we make things happen," matud ni Rama.
Dugang ni Rama nga kinahanglan lang nga adunay koneksiyon sa kauluhan ug sa Kongreso nga mutabang sa pagpalusot sa pundo nga muabot sa Sugbo. (Sheilame P. Medil, USJ-R MassComm Intern/GMR)(BANAT NEWS)
- Latest
