PDEA nanawat og bag-ong ahente
CEBU, Philippines - Padayon nga nanawat og mga aplikante alang sa mga bag-ong agent ang buhatan sa Philippine Drug Enforcement Agency (PDEA) 7 matud pa sa usa ka opisyal.
Si Atty. Mauro Licen sa PDEA mibutyag sa mga tigbalita nga ang ilang buhatan kinahanglan lang nga physically and mentally fit ang maong mga aplikante aron madawat ug kutob lang sa 35-anyos ang edad nga ilang dawaton.
Kinahanglang gradwado og bisan unsang 4-year courses ug labaw sa tanan dili badlungon sa katilingban.
Kadtong mga interesadong mamahimong ahente sa PDEA mahimong mobisita sa ilang buhatan sa Sudlon, Lahug alang sa dugang impormasyon.
Matud pa ni Licen nga kini sa planong pagpalig-on sa pwersa aron mapadayon ang kampanya pagsumpo sa illegal nga drugas sa Central Visayas.
Sumala pa ni Licen nga nag-una nilang target mao ang pagpamenus sa supply sa drugas ug ingon man ang tiggamitan niini. (BANAT NEWS)
- Latest
