Taxi driver dakpan nanguha’g pitaka
CEBU, Philippines - Kadtong taxi driver nga mikuha sa pitaka sa iyang pasahero nga adunay sulod nga mga alahas ug kwarta nadakpan dayon sa kapolisan ug mitug-an sa iyang kasaypanan.
Ang nasikop mao si Arnold Villahermosa, 36, minyo ug adunay tulo ka anak nga nagpuyo sa Sitio Kawit, Barangay Ermita. Ang dinakpan nagmaneho sa KJ and J taxi nga gisakyan sa biktima kaniadtong miaging adlaw. Nakuha gikan ni Villahermosa ang kwentas nga gipanag-iya sa iyang pasahero nga si Irish Poloyapoy. Si Villahermosa miingon nga natintal g’yud siya tungod sa kawad-on.
“Natintal lang g’yud ko sir, kay gagmay pa kaayo akong mga anak, unya nahulog man ang wallet wala na lang naku giuli,†matud ni Villahermosa.
Si Poloyapoy nakahukom gayud nga ikiha niya si Villahermosa.
Sa pagkakaron nabalhog sa Station 2 si Villahermosa samtang giandam pa ang kaso batok kaniya. (BANAT NEWS)
- Latest
