Suklam (53)
“Napaatras ang panganay na anak sa hindi inaasahang nakita sa kuwarto na may kasamang ibang lalaki ang kanilang ina. Sa mura niyang isipan, alam niyang nagtatalik ang mga ito. Wala ang kanyang ama sapagkat nasa probinsiya. Lingguhan ang uwi dahil bus driver. Noon lamang niya nakita ang lalaki.
“Sinarili ng bata ang nakita sa kuwarto. May pagdududa siya kung ibang lalaki nga ang nasa kuwarto. Baka naman nagkakamali lamang siya at tatay pala niya ang kasama ng kanyang nanay sa kuwarto. Baka dumating kagabi ang kanyang tatay? Baka hindi niya nalaman dahil tulog na sila. Pero madalas, sa umaga dumarating ang kanyang tatay at hindi sa gabi. At lagi itong may dalang pasalubong sa kanila.
“Kinabukasan, nilapitan niya ang kanyang ina habang nagluluto. Tinanong niya kung dumating ang kanyang tatay, Nakataas agad ang boses ng kanyang ina.
“Hindi pa darating ‘yun! Bakit mo itinatanong?’’ sabi nito.
“Wala po,’’ sagot niya sa ina at lumayo. Mainit ang ulo ng kanyang nanay.
Minsan, galing sila sa school ng kanyang kapatid. Dumating sila na tahimik na tahimik sa buong bahay. Ang kanyang kapatid ay ang paglalaro ang inatupag. Dahan-dahan siyang nagtungo sa kuwarto ng ama at ina. Binuksan ang pinto.
Kitang-kita niya ang kanyang ina. Hubad ito at nakikipaghalikan sa lalaki. Hubad din ang lalaki.
(Itutuloy)
- Latest