ISANG may edad na lalaki ang tinanong ni Drew ukol sa pagkakasunog ng restaurant.
“Anong nangyari sa restaurant, Manong?’’
“Nasunog kagabi! Sadyang sinunog!’’
“Sino po ang nanunog?’’
“Isang lalaki na ang hangad daw ay makaganti sa may-ari ng restaurant.’’
‘‘Bakit po gaganti?’’
‘‘Ang anak na babae raw ng lalaki ay pinagsamantalahan ng may-ari ng restaurant na ‘yan. Matapos pagsamantalahan, pinuwersang pagsayawin nang hubo’t hubad sa club. Dahil hindi nakayanan ng babae ang mga dinanas, nagpakamatay. Pero bago nalagutan ng hininga, naipagtapat sa ama ang mga nangyari. Mula raw nun ay nagbanta ang ama na igaganti ang anak na pinagsamantalahan. At nangyari nga ang panununog kagabi. Binuhusan ng gasolina ang paligid ng restaurant at saka sinindihan. Pero napatay din ng mga guwardiya ang lalaking nanunog. Habang nag-aagaw buhay ang lalaki ay sinasabi na nakaganti na raw siya. Naiganti na raw niya ang anak.’’
Hindi makapagsalita sina Drew at Marianne. Nagbalik sa alaala nila ang mga nangyari noon sa restaurant.
‘‘Maraming salamat po Manong.’’
“Walang anuman. Siguro may itatayong bagong building diyan. Sana ay maging maayos na. Puro kamalasan ang hatid ng restaurant na dating nakatayo diyan. Naging pugad ng prostitution.’’
Napatango na lang sina Drew at Anton bilang pagsang-ayon sa lalaki.
At umalis na sila.
(Itutuloy)