HATINGGABI na nang magpaalam si Bobby.
“Bukas punta uli ako rito,” sabi niya sabay halik sa labi ko.
“Papasok ako sa school.”
“Dun na lang kita puntahan. Anong oras ka lalabas?” “Mga 2 p.m.”
“Tamang-tama, yun din ang labas ko. Pag labas ko sa aming school puntahan na kita.”
“Bahala ka.”
“Ba’t bahala ka?”
“Sige na. Inaantok na ako.”
“Basta sa may gate ako ng school n’yo tatambay,” sabi at lumabas na ng kuwarto.
Nakatulog agad ako.
Nang magising ako ng alas-kuwatro ng umaga wala pa si Che-rry. Nang mag-alas singko saka ko narinig ang pagbubukas sa pinto. Lasing ang gaga.
“Gising ka pa Maritess?” tanong na tila nabubulol.
“Nakatulog na ako, gaga. Ikaw saan ka galing? Mukhang napalaban ka.”
“Niyaya ako ni Carlo. Uminom kami at alam mo na ang kasunod.”
Bumalik ako sa hi-gaan. Maaga pa. Kailangan ko pa ng pahinga. Nararamdaman ko pa ang sakit na dulot ng pagmamahalan namin ni Bobby. Hayup na yun at pinagsawaan ako. Kung bakit kasi hindi ko matiis nung aalis na. Sana pinabayaan ko na lang na umalis. Sana ay wa lang nangyari sa amin.
Nang sulyapan ko si Cherry nakasalampak sa sahig. Doon na natulog. Katulad ko, pinagsawaan din siya ni Carlo.
Habang nakahiga at nakatingin sa kisame, iniisip ko na sana’y magpadala na ng pera sina Tatay at Inay. Sabagay, hindi sumasablay ang kanilang padala. Tuwing a-kinse at a-treinta ng buwan ay ipinadadala nila ang pera sa biyaherang kakilala. Bukas, ay katorse pa lamang ng buwan kaya isang araw pa akong maghihintay ng kanilang padala. Sa umaga ng katorse ay pupuntahan ko na ang bahay ng biyahera para kunin ang allowance ko.
Wala akong kaalam-alam na namumroblema pala ng mga panahong iyon sina Tatay at Inay. Tinamaan pala ng bagyo ang aming probinsiya. Nasira ang palay, niyog at saging. Hindi nila malaman kung saan kukuha ng perang ipadadala sa akin dito sa Maynila. Hindi pala makatulog ng mga panahong iyon ang aking mga magulang sapagkat inaalala nilang wala na akong gagastusin habang nag-aaral. Suhestiyon ni Tatay ay mangutang muna ng perang ipadada- la. Kahit may malaking tubo ay papa- yag basta may maipadala.
(Itutuloy)