^

Opinion

Hasta ang COA patak-umon

ARANGKADA - Leo Lastimosa - The Freeman

Mga opisyal sa Procurement Service sa Department of Budget and Management (PS-DBM) nga gilambigit sa binilyon ka pesos nga transaksiyon sa Pharmally Pharmaceutical Corp. girekomendar nga pasakaan og mga kasong kriminal human sa imbestigasyon sa Senate Blue Ribbon Committee.

Pero naabtan sa bakasyon sa mga senador para sa kampanya, napilde sa niaging eleksiyon ang pangu sa komitiba nga si kanhi senador Richard Gordon, ug ang bag-ong administrasyon way plano nga mosusi sa mga pasangil sa anomaliya batok sa mga tinudlo sa amahan sa ikaduhang labing taas nga opisyal sa nasud.

 * * *

Gawas ni Senador Risa Hontiveros, ang bugtong oposisyon nga nahibilin sa Senado, way laing naghisgot sa panginahanglan sa pagpadayon sa wa pa mahuman nga imbestigasyon sa laktod nga pagpangompra sa PS-DBM gikan sa Pharmally og overpriced ug substandard nga test kits, PPEs ug ubang panginahanglan pakigbatok sa pandemya.

Bisan sa bag-ong nigawas nga findings sa Commission on Audit sa transaksiyon sa PS-DBM ug Department of Education (DepEd), nga susama og paugat sa pagpamalit sa mahalon pero nagkamang na sa kakaraan nga laptops, way alyado sa administrasyong Marcos nga nagpakabana.

 * * *

Nikakak nang daan ang mga senador sa dayong panamilit sa administrasyon ni kanhi presidente Rodrigo Duterte. Mayoriya nila nagdumili pagpirma sa report ni Gordon nga nag-detalye sa mga anomaliya. Kay naikog sila ni Duterte nga maoy gitumbok ni Gordon nga utok sa kahiwian.

Di sila ganahan nga mapareha ni Gordon. Nga gipakauwawan ni Duterte, imbes pasabton sa agresibong pagdupa sa iyang mga suod ug mga tinudlo nga nabistong maoy mga responsable sa palusot.

 * * *

Gamay ra ang kahigayonan nga dunay mga kaso nga mapasaka batok mga opisyal sa PS-DBM ug sa ilang mga protektor bisan sa findings sa COA sa ?2.4 bilyones nga transaksiyon sa DepEd ug sa na-dokumento sa Senado nga ?14 bilyones nga anomaliya sa transaksiyon sa PS-DBM, Pharmally, ug Department of Health.

Ang COA hinuon maoy nameligrong maapiki. Ilang bag-ong pangulo, laing sinaligan ni Duterte nga si kanhi solicitor general Jose Calida, nipasidaan nga posibleng patak-umon ang auditors. Pinaagi sa pagdili sa pagpublikar sa tinuig nga findings sa ilang tinuig nga pagsubli sa mga transaksiyon sa mga ahensiya sa gobyerno.

COA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with