_freeman
^

Opinion

Delta sa Antique niagi sa Mactan?

ARANGKADA - Leo Lastimosa - The Freeman

Kon simbako layo ra to may mataptan sa Delta variant sa Sugbo karong adlawa, may timaan sa sakit, ma-swab ug mapada dayong specimen sa Philippine Genome Center (PGC) sa University of the Philippines (UP) sa kaulohan, 50 ka adlaw gikan karon o sa Septiyembre 10 pa mahibaw-an ang presensiya sa labing mananakod ug labing makamatay nga bersiyon sa kagaw.

Ingon ana kadugay nga natanggong ang swab samples sa magtiayon sa Antique nga nangasakit niadtong Mayo 27. Natino sa PGC nga Delta variant ang nakatakod nila pagka Hulyo 16 na.

 * * *

Ang nahitabo sa Antique nidason sa reklamo sa mga doktor sa Sugbo nga bisan nalangay nang daan gipalabi pa gyod sa PGC ang swab samples sa Metro Manila. Kay niadto sang Hulyo 16, gipahibawo sa PGC ang laing duha ka kaso sa Delta variant sa Pandacan, Manila nga nangasakit sa Hunyo 23.

Tungod tingali kay 750 ra ka swab samples ang masusi sa PGC kada semana, natanggong sab ang samples sa Manila sud sa 23 ka adlaw. Pero wa rang katunga sa kalangay sa genome sequencing sa samples gikan sa Kabisay-an.

 * * *

Gawas nga nasiyam-siyaman og paabot sa resulta, bakak pa gyod ang unang pahibawo sa kahimtang sa magtiayon sa Antique: Nangangkon ang DOH niadtong Hulyo 16 nga naka-recover na ang duha. Pero pagka Hulyo 19, nikumpisal ang DOH nga namatay diay ang 78 anyos nga asawa niadtong Mayo 30.

Di hinuon talagsaon kining sayopa. Sukad pa sa pagsugod sa pandemya kapin sa tuig nang nilabay, may laksot nga taras ang DOH pagpahibawo nga “recoveries” ang “fatalities” sa Covid-19.

 * * *

Pasiunang imbestigasyon sa DOH sa Western Visayas nakahipos sa mosunod nga kasayuran:

Ang namatay nga pasyente nga taga Baybay, Antique diabetic nga posibleng nakapasamot sa kalisod sa iyang kahimtang; ug

Mahimong natakdan sila sa paryente nga Returning Overseas Filipino (ROF).

Gisusi pa kon ang ROF niagi ba sa Mactan Cebu International Airport ug nakagawas human sa tulo ka adlaw nga isolation ubos sa mas luag nga lagda sa Kapitolyo sa Sugbo bisan sa pasidaan sa mga eksperto sa Inter-Agency Task Force (IATF) nga makit-an ang bag-ong variant sa ikalima nang adlaw human sa pag-abot.

DELTA VARIANT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with