^

Mas paspas ang tinakdanay

ARANGKADA - Leo Lastimosa (The Freeman) - March 5, 2021 - 12:00am

Nag-anam na g’yud kapuno ang mga ospital ug isolation centers sa Sugbo ug Central Visayas samtang padayon ang paspas ug lapad nga tinakdanay sa COVID-19. Nadugangan na sab og 194 ang na-ospital ug 256 ang napahimutang sa isolation centers niadtong Pebrero 3, Miyerkules, kanus-a nadugangan og 451 ka bag-ong kaso sa rehiyon.

Nidason ni sa pasidaan sa Department of Health (DOH) sa niaging semana sa hapit na pagkapuno sa mga ospital sa Lapu-Lapu City ug ang nagkadaghan nga pasyente sa COVID-19 sa mga ospital sa Cebu City ug Mandaue City.

 * * *

Sama sa naandan, gidominahan sa mga siyudad ug lungsod sa Sugbo ang lista sa DOH sa kinadaghanan og bag-ong kaso niadtong Miyerkules: Una ang Cebu City nga may 159; ikaduha ang Lapu-Lapu, 65; ikatulo ang Mandaue, 64; ikaupat ang Talisay City, 32; ikalima ang Minglanilla, 18; ikaunom ang Consolacion, 14; ikapito ang Danao City, 12; ikawalo ang Liloan, 10; ug nagtabla nga tag-upat ka kaso ang Tabuelan ug mga siyudad sa Naga, Carcar, ug Toledo.

Bugtong di taga Sugbo nga nasagol sa unahan sa lista ang Antequera, Bohol, nga duna say upat.

 * * *

Apan mahimong makaginhawa og luag ang Cebu City kay human sa upat ka buwan nga pagsige og saka, nitidlom ang bag-ong mga kaso sa niaging duha ka semana. Gikan sa kinadaghanan nga 1,441 ka kaso sa semana sa Pebrero 11-17, nahimong 1,339 sa Pebrero 18-24 ug nius-os ngadto sa 506 sa Pebrero 25-Marso 3.

Nakarehistro ang Cebu City sa kinaubsan nga 25 ka kaso sa Oktubre 29-Nobyembre 4 sa niaging tuig apan anam-anam nga nisaka sa Nobyembre ug Disyembre dayong sulbong sa Enero ug unang tunga sa Pebrero karong tuiga.

 * * *

Nagsugod ang pagsulbong sa mga kaso sa Cebu City sa Disyembre 24-30, usa ka semana human sa Misa de Gallo, nga may 75 ka kaso gikan sa 31 sa gisundang semana. Dayon niburot ngadto sa 185 sa Disyembre 31-Enero 6.

Unang nikatkat og kapin sa libo ang bag-ong mga kaso sa Cebu City niadtong Pebrero 4-10 nga niabot og 1,120. Nilabaw pa sa kinadaghanan niyang kaso nga 962 sa Hunyo 4-10 sa niaging tuig, pagkahimong epicenter sa COVID-19 sa nasud.

COVID-19
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with