Kinadak-ang ginansiya sa tanan

ARANGKADA - Leo Lastimosa (The Freeman) - November 24, 2020 - 12:00am

Ang maayong balita mao nga nipasalig ang G20, kahugpongan sa labing adunahang mga nasud, sa makiangayon nga pag-apud-apod sa mga bakuna sa COVID-19 sa tanang nagkinahanglan. Ang di maayong balita mao nga kuwang og detalye ang pasalig atol sa ilang tinuig nga summit online nga giduma sa Saudi Arabia niadtong Domingo.

Wa maghisgot ang G20 unsaon nila pagtapak ang $5.9 bilyones (P288.9 bilyones) nga kuwang sa kampanya sa United Nations ug World Health Organization (WHO) sa dinalian nga pagpamakuna sa health workers ug masakiton nga mga molupyo sa tanang kanasuran sa kalibotan.

 * * *

Ang G20 naglakip sa Argentina, Australia, Brazil, Canada, China, France, Germany, India, Indonesia, Italy, Japan, Republic of Korea, Mexico, Russia, Saudi Arabia, South Africa, Turkey, United Kingdom, United States, ug European Union.

May sukaranan ang panghinaot sa kalibotan nga ang liderato sa G20 mao ang kinakusgan nga makabadlong sa gikahadlokan nga iyahay sa pagsipong sa pasiuna nga suplay sa maaprobahan nga mga bakuna karong tuiga. Kay ila ang 90% sa kalibotanong katigayonan, 80% sa kalibotanong patigayon, ? sa kalibotanong populasyon ug katunga sa kalibotanong land area.

 * * *

Labing dinalian nga mahimo sa G20, nga wa hisguti sa opisyal nila nga pamahayag human sa summit, mao ang pag-umol ug pagpatuman og kauyonan nga ang tanang nahimo na nga mga bakuna sa Pfizer/BioNTech, Moderna ug uban pang mga kompaniya nga kahatagan og pagtugot:

- Di na ilogan sa Estados Unidos, Britanya ug ubang adunahan nga mga nasud; aron nga

- Itagana sa 20% sa mga molupyo sa matag nasud nga mao ang labing nagkinahanglan.

 * * *

Makatabang kon tinud-on sa kadagkoan sa AstraZeneca ang ilang pasalig nga di magpa-ginansiya sa ilang bakuna. Hinaot nga nakumbinser sa ilang katambayayong nga mga siyentipiko sa University of Oxford nga himuong barato ang mamugna nga bakuna ug nga paabton gilayon sa labing kabos nga mga nasud.

Makatabang sab kon magkauyon ang mga kompaniya sa tambal nga makamugna og mga bakuna sa pakigtinabangay sa tanang laboratoryo sa kalibotan aron nga mahimo ug maapud-apod dayon ang kinadaghanan nga doses sa kinadalian nga panahon. Hinaot nga makaamgo ang tanang hingtungdan nga kinadak-ang ginansiya kon mabadlong ang pandemya ug makabarug pagbalik ang kalibotanong ekonomiya.

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with