Krimen na ang pagsukwahi
ARANGKADA - Leo Lastimosa (The Freeman) - August 4, 2020 - 12:00am

Nagdumili untang kadagkoan sa Hong Kong pagtak-op sa ilang mga utlanan sa mainland China bisan nisulbong nang mga kaso sa COVID-19 sa Wuhan niadtong Enero. Apan tungod sa hulga sa health workers nga magwelga sila, napugos ang lokal nga mga opisyal sa pagkanselar sa mga biyahe sa tren, ayroplano ug barko sa gikan ug padung sa Hong Kong ug China.

Mahimong mao sab ni ang nakapa-usab sa desisyon ni Presidente Rodrigo Duterte maong nisugot nga ibalik ang Metro Manila ug kasilinganang lalawigan sa mas higpit nga mga lagda sa modified enhanced community quaratine (MECQ).

 * * *

Apan timaan nga napugos lang siya ang pakapin nga pangasaba sa presidente sa mga doktor. Gitulisok niya sila nga nipakauwaw sa iyang pamunoan sa pagpagawas sa publiko sa ilang suwat nga nangayo og duha ka semanang ECQ sa kaulohan kay napuno nang mga tambalanan ug nagkadaghang health workers nga nangaluya, nangasakit ug nangamatay.

Gipasanginlan sab niya sila nga nanghulga og rebolusyon. Wa siya magtagad sa paghatag og bisan unsang sukaranan sa seryuso nga pasangil. Gihagit sab niya sila nga sugdan dayon ang pagguba sa kagamhanan.

 * * *

Labihan tingaling pugung-pugong nilang Health Secretary Francisco Duque III ug ubang sakop sa Inter-Agency Task Force (IATF) batok sa Covid-19 nga di mapasundayag sa publiko ang nag-alintabo nga kasuko sa presidente.

Kay kon di pa lang hingpit nga mohagsa ang kampanya batok sa pandemya kon, simbako, mobiya ang mga doktor ug ubang health care workers sa mga tambalanan, nahiagom na unta sila karon sa naandan nga mga balikas, panghudlat ug pagbugalbugal gikan sa presidente.

 * * *

Apan puno sa pag-awhag sa ECQ, ang nagkahiusa nga 80 ka kahugpongan sa mga doktor igo lang niawhag nga palapdan ang swab testing inay ipamugos ang di kasaligan nga rapid testing ug pahugtan ang pagpatuman sa mga lagda sa isolation ug contact tracing nga, sa kasinatian sa mga doktor, gipasagdan na lang sa local government units (LGUs).

Makiangayon ang ilang awhag. Bisan unsaon og inat di sila kapasanginlan nga nagpakauwaw sa kagamhanan ni nagpasiugda og rebolusyon. Gawas lang kon ang pagpangahas pagsukwahi sa mga pangangkon sa kalamposan batok sa COVID-19 sa presidente ug sa iyang mga sinaligan isipon na nga krimen.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with