Mga lagda sa kalibog
ARANGKADA - Leo Lastimosa (The Freeman) - May 31, 2020 - 12:00am

Mas klaro ang mga lagda sa lockdown nga gipahamtang sa ubang kanasuran kay sa wa pa umola ug ipahibawo niagi una og lapad nga konsultasyon sa tanang hingtungdan nga sektor sa katilingban. Maong kasagaran sa ilang mga lagda hingpit sa mga detalye ug andam nang mga buhatan sa gobyerno ug pribadong sektor sa pagpatuman.

Lahi dinhi sa ato. Ang mga lagda nga gipahibawo sa nasudnong gobyerno ug lokal nga mga opisyal gipasikad ra sa bisan unsay nasud sa ilang ulo. Maong maglibog ug makalitan ang tanan ug magkayamukat ang pagpatuman.

* * *

Subaya ra gud ang nag-usab-usab nga lista sa InterAgency Task Force (IATF), ang kinatas-an nga buhatan nga tig-umol sa mga lagda sa atong nasudnong kampanya batok sa COVID-19. Klarong way konsultasyon nga nahimo kay matag pakanaog sa bag-o nilang lista sundan dayon sa tiyabaw sa lokal nga mga opisyal nga nikuwestiyon sa ilang classification.

Di na lang ta moadto sa layo: Sa tungatunga ning buwana gipaubos sa IATF ang Cebu City ug Mandaue City sa Modified Enhanced Community Quarantine (MECQ); apan human nikuwestiyon ang lokal nga mga opisyal gipabilin sa ECQ.

 * * *

Nasubli ang kalibog sa niaging semana dihang gipaubos sa IATF ang Cebu City sa MECQ. Apan si Presidente Rodrigo Duterte nihimo og lahi nga pahibawo: Ang Cebu City gipaubos na sa Modified General Community Quarantine (MGCQ).

Duha ka adlaw na lang sa di pa ang Hunyo 1, giusab sa IATF ang classification sa Cebu City ngadto sa GCQ. Hinaot nga gipasikad gihapon sa siyensiya ug di sa bisan unsa lay isugyot sa mga duol sa luwag.

* * *

Gisubay sa mga eksperto sa komunikasyon ang sukaranan sa kalibog sa mga Pilipinhon sa nag-usab-usab nga mga lagda batok sa COVID-19:

• Si bisan kinsang opisyal sa bisan unsang higayon mopahibawo sa katawhan unsay nasud sa iyang hunahuna nga labing maayong himuon batok sa pandemiya;

• Ubang mga opisyal motimang nga gituki pa sa ilang mga tigom ang bag-ong gisugyot nga mga lagda;

• Human sa pila ka adlaw, mopahibawo ang mga tigpamaba nga pormal nang naumol ang bag-o nga mga lagda;

• Human sa laing pila ka adlaw samang mga tigpamaba mopahibawo nga nausab diay ang mga lagda.

IATF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with