Iyahay ug pataka nga paukyab
ARANGKADA - Leo Lastimosa (The Freeman) - September 23, 2019 - 12:00am

Bisan wa pa makasud ang kagaw sa African Swine Flu (ASF) sa Sugbo gisilotan na ang atong industriya sa baboy. Bisan ang mga karne ug produktong baboy ra gikan sa Luzon ang gi-ban naapil og katanggong ang mga buhi ug karneng baboy gikan sa ubang mga lalawigan sa Kabisay-an ug Mindanao tungod sa kakuti sa dugang mga panginahanglan nga gipahamtang.

Ang dagkong negosyante mahimong maka-utong sa pagtuman sa tanang panginahanglan ug pagtidlom sa ilang kita. Apan ang gagmayng negosyante, mga trabahante sa industriya ug ilang mga pamilya ang labing maapiki.

* * *

Dakong baligho mao nga ang ban sa baboy ug ubang mga lagda gitumong sa pagpanalipod sa P300 bilyones nga industriya ug sa minilyon nga nagsalig sa nagkalainlaing aspeto sa industriya sa ilang panginabuhi. Apan nisangpot sa kadaot nga mahimong mas dako pa kay sa mahimo sa ASF.

Mahimong kumbinsido ang lokal nga mga opisyal nga igo lang silang nagtuman sa katungdanan. Apan may pipila sab nga nagpataka og patuman sa bisan unsang lagda nga ilang mahunahunaan sa way paglantaw sa makadaot nga mga implikasyon basta di lang kapasanginlan nga wa silay gihimo.

* * *

Ang ban sa tanang karneng baboy gikan sa Luzon maoy hingpit nga pagsalikway sa pasalig sa Malakanyang nga luwas pa sa ASF ang ubang bahin sa nasud gawas sa pipila ka barangay sa Rizal ug Bulacan.

Kon di na motuo ang lokal nga mga opisyal sa Malakanyang kinsa na man lang ang ilang tuohan? Kon di na katuohan ang Malakanyang makatuo ba ta sa pasalig sa lokal nga mga opisyal nga luwas pang Sugbo sa ASF?

* * *

Nga makapatumaw sa labing dakong hulga sa industriya sa baboy: Di na motuo ang katawhan sa bisan unsang mga pasalig nga luwas pang kan-on ang baboy ug hingpit na lang gyod hinuon nga mosalikway sa tanang produkto sa industriya nga makadaot sa ilang kahimsog.

Daghang salamat sa iyahay, pataka ug paukyab sa lokal nga mga opisyal mahimong hingpit nang mahadlok ang mga konsumidor sa ASF ug sa tanang karne ug produktong baboy (bahala nang pasalig nga ang ASF di makadaot sa mga tawo). Ang wa kinahanglanang kaguliyang mahimong mas makadaot kay sa aktuwal nga pagtakod sa kagaw.

AFRICAN SWINE FLU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with