Mangluhod na lang tang daan
ARANGKADA - Leo Lastimosa (The Freeman) - July 5, 2019 - 12:00am

Ang bisan unsang pakisusi sa bangga sa kadagatan sa Recto Bank niadtong tungang gabii sa Hunyo 9 nga nakapalunod sa barkong panagatan sa 22 ka Pilipinhong mangingisda angay nga mosusi sa managlahi nga mga bersiyon sa wa pa ug human motingog si Presidente Rodrigo Duterte.

Sa wa pa motingog ang presidente unom ka adlaw human sa insidente, gikondenar ni Defense Secretary Delfin Lorenzana ang pagbiya sa barko sa China sa mga mangingisda nga nag-utaw-utaw sa kalaworan ug nideklarar ang hepe sa Philippine Navy, Vice Admiral Robert Empedrad, nga tinuyo ang pagbangga.

* * *

Sa wa pa motingog ang presidente, labihang isoga sa Department of Foreign Affairs ug sa Malakanyang nga nanghimaraot sa panghitabo:

• Gipahibawo ni Foreign Affairs Secretary Teodoro Locsin Jr. nga krimen ang pagbiya ni bisan kinsang nameligro sa kadagatan ug nipasaka dayon og kusganon nga diplomatic protest ngadto sa China; ug

• Nipasidaan si presidential spokesman Salvador Panelo nga mahimong maputol ang relasyon tali sa Pilipinas ug China kay nideklarar man gani og gubat si Presidente Duterte batok sa Canada tungod lang sa wa dayon makuha pagbalik nga basura.

* * *

Apan human pahiyosa sa presidente ang panghitabo nga usa ra ka yano nga aksidente sa kadagatan, nikalit og likoy ang mga sulti sa iyang mga sinaligan:

• Silang Lorenzana ug Empedrad niangkon na nga posibleng aksidente lang ang pagbangga sa barko sa China sa FB Gem-vir 1; ug

• Silang Locsin ug Panelo nipadayag na og pagduda sa kamatinud-anon sa pangangkon sa Pilipinhon nga mga mangingisda nga gibanggaan ug gibiyaan sila sa barko sa China.

* * *

Niadtong Miyerkules, gibutyag na ni Locsin ang kabahin sa sangpotanan sa imbestigasyon sa Philippine Coast Guard nga mabasol sab ang Pilipinhon nga mga mangingisda kay nangatug ug namawong sa suga ug busa mahimong wa makit-i sa barko sa China.

Wa nay sinaligan sa presidente nga nikuwestiyon sa pagsud sa barko sa China sa atong Exclusive Economic Zone. Samtang ang China wa magtagad pagpangayo og pasaylo ni pagsilot sa mga nakabangga ug nibiya. Mangandam na lang tang daan sa kahigayonan nga ang 22 ka Pilipinhon nga mga mangingisda na ang tulisukon sa pag-ulbo sa kontrobersiya nga mahimong makapasuko sa China.

RECTO BANK
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with