Kinatibuk-an nga paglingiw
ARANGKADA - Leo Lastimosa (The Freeman) - September 17, 2018 - 12:00am

Samtang nagpadayon ang pagsaulog sa mga sakop sa Sugbo sa Press Freedom Week, angay’ng tukion ang kalibogan alang sa pipila o kauwawan g’yud alang sa uban: Ang kapakyas sa pagpahamtang sa batakang mga lagda sa media ngadto ni Presidente Rodrigo Duterte.

Napakyas ang media sa kinatibuk-an, labi nang mga sibyaanan sa radyo ug telebisyon sa pagbadlong sa iyang pamalikas ug pagbinastos. Napakyas sab sila sa paghagit sa iresponsable niyang mga pamahayag, sa iyang taras sa pagsulti sa bisan unsay masud sa iyang hunahuna, labi nang tinuyo nga pagpakatap og sayop nga kasayuran.

* * *

Naproblema ang Kapisanan ng mga Brodkaster nga Pilipinas (KBP), kahugpongan sa lisensiyadong mga magsisibya sa nasud, unsaon pagpatuman ang mga probisyon sa Broadcast Code (nga nihiusa sa Radio Code ug Television Code) batok sa mga pamalikas nga nisugod og tumaw sa mga diskurso ni Duterte sa wa pa siya mobanos sa Malakanyang.

Kay di man kasilotan ang presidente ug di sab makiha tungod sa iyang immunity, did-an bang live coverage sa iyang mga diskurso? Ug silotan bang mga estasyon sa radyo ug telebisyon nga mosibya sa iyang mga balikas?

* * *

May sugyot nga gamiton ang teknolohiya sa tinuyo nga paglangay sa buhi nga pagsibya, nga gitawag sa industriya nga “seven-second delay” o “profanity delay” nga gitumong sa paglikay sa pagsibya sa balikas, o sayop, o kakuliang teknikal.

Apan tungod ba kaha sa kakuti pagsubay sa tanang ipanulti sa presidente sa live coverages sa iyang mga diskurso, o sa ka way kahimanan sa paglangay sa buhing sibya, gipasagdan na lang nga mabatian sa publiko ang kinatibuk-ang mga diskurso.

* * *

May mga sulti sab ang presidente nga klarong sayop, may mga higayon gani nga siya na mismo ang nideklarar nga bakak ang iyang mga gipanulti, sama sa gimao-mao nga bank accounts ni Senador Antonio Trillanes IV sa Singapore, apan gawas sa pipila nga nibuyag, nilingiw ang media sa kinatibuk-an.

Hangtod kanus-a nga ang media mopagamit sa ilang kahimanan sa pagsangyaw sa iresponsable nga mga pamahayag sa presidente? Hangtod kanus-a nga moapil sila og pakpak ug katawa sa iyang mga pakauwaw? Kanus-a mobarug ang kinatibuk-an sa media batok sa iyang mga balikas, pagbinastos ug mga bakak?

RODRIGO DUTERTE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with