^

Opinion

Bong ug Jinggoy pabuhian?

BIRADOR - Rene U. Borromeo - The Freeman

Daghan ang nalipay nga gipapriso gyud sa administrasyon ni Presidente Aquino ang mga senador nga nag-atubang og kasong Plunder kay gipasanginlan nga miwari-wari sa minilyon ka pesos nga Priority Development Assistance Fund.

Ang mga senador mao sila si Jinggoy Estrada, Bong Revilla ug Juan Ponce-Enrile. Gipasanginlan sila nga nakigkunsabo ni Janet Lim-Napoles, ang giingong rayna sa mga kawatan nga naa 'sab karon sa prisohan.

Daghang kilay ang mitingkag diha nga nadungog nila ang gibutyag ni Davao City Mayor Rodrigo Duterte diha nga nanubag ni sa mga pangutana sa taga Cavite. Gipangutana si Duterte kon makiangayon ba siya kang Revilla kon modaog nga presidente.

Pastilan, miingon man si Duterte nga iyang paninguhaon nga makagawas sa bilanggoan sila si Jinggoy ug Bong Revilla kay si Enrile kuno gihatagan man og higayon nga makapyansa. Si Enrile gitugotan nga makapyansa kay tiguwang na man ug masakiton.

Sa balaod gani, ang tawo nga nag-edad og 70-anyos o labaw pa, dili na man prisohon kon mahukman na nga sad-an sa iyang kaso. Walay problema kon tugotan nga makapyansa sila si Bong ug Jinggoy, apan unya na kon ang ilang mga abogado makapamatuod nga dili lig-on ang ebidensya batok kanila.

Klaro kaayo nga pamolitika ra gyud ang gihimo ni Duterte. Unya, nakigsuod pa gyud siya sa mga rebeldeng New People's Army. Sigurado ko nga tungod niini daghan ang dili makagusto kang Duterte.

* * *

Ang bentaha lang ni Duterte kay pinaagi sa pakigsuod niya sa mga rebelde, sayon-sayon ra siya nga makasulod sa teritoryo sa mga NPA.

Dihang bahina, mabentahaan ni Duterte si Mar Roxas ug Grace Poe. Dili na lang nato iapil si Miriam Santiago kay komedya ra man nang iyang pagdagan.

Apan napanid-an nako nga hilom baya kaayo ning milabay'ng mga buwan si Mar. Mas may kisaw pa gani si Grace Poe kay ni Mar. Mura'g nakabantay ko nga si Mar hilom lang nga misuroy sa lainlaing mga dapit sa nasud.

Gipakigtagboan ni Mar ang lainlaing sektor, ilabi na ang mga senior citizens nga mipasalamat kaniya tungod sa pagmugna niya sa Cheaper Medicine Law nga nakapabarato sa mga tambal.

Tinuod gyud, tungod sa mao nga balaod mibarato ang presyo sa mga tambal nga maintenance sa mga senior citizens.

* * *

Klaro kaayo nga ang tumong nila ni Mandaue City Mayor Jonas Cortes ug Luigi Quisumbing mao nga mailisan ang mga opisyal sa kahugpongan sa mga senior citizens sa Mandaue aron ila nang mga alyado ang modumala sa grupo. Politika gihapon ang katuyoan.

Sa ilang gihimo, ingon sa naghaling sila og kayo sa kasuko sa mga senior citizens. Nagtuo tingali sila nga ang mga senior citizens motuman sa kagustohan sa ilang mga alyado kon modaog man kini pagka pangulo sa kahugpongan?

Grabe gyud kainit ang politika diha sa Mandaue tali kanila ni Luigi ug Konsehal Lolypop Ouano-Dizon. Daghang text messages ang akong nadawat, apan dili na lang nako tagsa-tagsaon pa sa pagbatbat.

Nasuta lang nako nga kay sikat man si Lolypop sa mga botante mao nga bisan unsa na lang ang gihimo sa iyang kaatbang.

Maayo si Dr. Paulus Cañete nga kontra ni Jonas pagka kongresista sa ika-unom nga distrito kay pirmi lang mapahiyumon kay dili man popular sa Cordova ug Consolacion si Jonas.

Nadaot gyud si Jonas sa iyang plano nga kon makadaog kuno siya, ipahimo niya nga "lone district" ang Mandaue, nga sa ato pa, mura'g iitsa-pwera na lang ang Consolacion ug Cordova.

Na hala, paspas gyud mo sa inyong pagpangampanya.

Ang lain sab diay nga bantayanan mao ang ika-upat nga distrito kay init sab ang sangka nila ni Celestino "Junnie" Martinez ug ni Benhur Salimbangon pagka kongresista.

Giingon nga si Junnie ang nag-agak ni Salimbangon kaniadto sa politika, ug karon sila na ang nagsangka. Sama ra sa sitwasyon nila ni Tomas Osmeña ug Mike Rama.

Si Rama kaniadto giagak usab ni Tommy apan karon sila na ang magsangka. Pastilan kining politika. Tan-awon lang kon kinsa kanila ang maayo'g agi.

ANG

BONG REVILLA

DUTERTE

GRACE POE

JONAS

KAY

KON

LANG

MAN

MGA

NGA

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with