Nakadaog na gyud

CEBU, Philippines — Sa labing unang higayon, nakadaog na  gyud si  Rufa Mae Quinto  sa usa  usa ka  episode sa "Your Face Sounds Familiar.Sa maong round, gisundog niya ang  American singer-songwriter  nga si Fergie kun diin giawit niya ang  "Big Girls Don't Cry nga nakadawat og standing ovation gikan sa mga hurado.  "Alam mo kontento na ako kahit isang beses lang. Thank you mga Ka-Familiars," matud pa ni Rufa Mae.

Pito ka anak

Gipaningkamotan sa magtiayong Kiray Celis ug Stephan Estopia nga makahulma na sila og anak.   Suma pa ni Kiray nga mopadulong na  og 32 ang iyang edad  busa  excited na kaayo siya nga makabaton og liwat.  Target sa komedyanteng atres nga makabaton sila ni Stephan  og pito ka anak.

Ma-relax sa dulaan

Malingaw ug ma-relax gyud  ang singer nga si Jed Madela sa pagpangolekta og mga dulaan. Sa vlog ni  Karen Davila,   gipakita gyud sa singer ang mga nagbaha niya nga dulaan sulod sa iyang balay. "Ako kasi I love toys ever since I was a kid. I think it was like parang reward. When I was a kid, I was not given the luxury of being bought toys all the time. I had to work for it — like good grades, do household chorse. You know the feeling na bata ka and you have this new toy, ang saya-saya mo," he remarked,” matud pa ni Jed.

Bela ug Carlo subling magpares sa pelikula

Gianunsyo  ni Bela Padilla nga  ipasalida sunod bulan  ang umaabot nga pelikula nila ni Carlo Aquino nga nag-ulohan og “ A Special Memory”.

Mapasigarbohong gipaambit ni Bela ang mga hulagway nila ni Carlo isip  kabahin sa promosyon sa ilang pelikula.

“My mind might forget, but my heart will always remember,” Instagram posts sa aktres.

Magsilbi kini nga ilang  reunion movie human sa kalamposan sa ilang 2018 romantic film nga  Meet Me in St. Gallen.

Olivia Dean nakadaog sa  Grammy

Ang British singer-songwriter  nga si Olivia Dean  nga nailhan sa awit nga "Man I Need" maoy nakadaog sa Grammy isip  Best New Artist. Napildi niya sila  Alex Warren, , Addison Rae, The Marias, Sombr, Lola Young -Leon Thomas ug ang grupong Katseye. "I'm up here as a granddaughter of an immigrant.I'm a product of bravery, and I think those people deserve to be celebrated,” suma pa sa singer.

Kathryn ug Mayor Mark nasakpan nga nag-uban  sa mall

Niinit og samot and  espekulasyon human nakit-an  pag-usab ang aktres nga si Kathryn Bernardo uban sa gidungog niya nga boyfriend nga si Lucena City Mayor Mark Alcala.

Trending karon  sa social media ang mga litrato ug video  sa duha kun diin spotted sila nga nanuroy sa usa ka mall sa Makati City. 

Ang maong  report kay nisabay usab sa  kasikas sa love life sa ex-boyfriend ni Kathryn nga si Daniel Padilla nga giingong malipayon sa relasyon nila ni Kaila Estrada.

Ejay mobalik sa showbiz

Mobalik na sa pag-arte atubangan sa kamera ang aktor ug kanhi bise gobernador sa Oriental Mindoro nga si Ejay Falcon.

Si Ejay ang bida sa movie project  sa  Mamay Production nga  Kappa-tiran (The Only Way Out Is Within).

Si Neal 'Buboy' Tan ang direktor ug  si  Nunungan, Lanao del Norte Vice-Mayor Marcos Mamay ang producer niini.

Taod-taod na sa politika si Ejay  apan niadtong 2025 elections kay napildi siya human siya nagpapili pagka-kongresista sa  ikaduhang distrito sa  Oriental Mindoro.