CEBU, Philippines — Gikatahong nangulitawo sila si Alden Richards ug Jericho Rosales ngadto sa Kapamilya actress nga si Kathryn Bernardo ug ang maong taho nasagap ni Oge Diaz gikan sa tinubdan niini.
Kahinumdoman nga gipistahan gihapon ang sweet photos nila ni Kathryn ug Alden .
“Nanliligaw na itong si Alden kay Kathryn at makikita naman iyan sa kanilang body language,” matud pa ni Ogie .
Giingong nauyonan matud pa sa pamilya ni Kathryn ang Kapuso actor nga si Alden.
“Si Alden ay isang negosyante, financially stable, responsable, kaya natutuwa kay Alden ang pamilya ni Kathryn.Dahil 'yung mga gusto nila sa lalaki, pino-posses ni Alden," dugang pa ni Ogie .
Angeli Khang molugwa sa Black Rider
Gikatahong mosulod sa Kapuso series nga Black Rider nga gibidahan ni Ruru Madrid ang Vivamax actress nga si Angeli Khang .
Puwerting lipaya ni Angeli gumikan kay sa labing unang higayon, nahimo siya nga kabahin sa usa ka TV series.
Pagadalhon niya ang karakter isip Nimfa Veloso, ang babaye nga gikidnap sa mga miyembro sa sindikato nga Golden Scorpion .
Nailhan si Angeli sa kadaghanan gumikan sa iyang sexy projects kaniadto sa Vivamax.
Regalo sa kaugalingon
Giregalohan ni Sofia Pablo og bag-ong sakyanan ang iyang kaugalingon alang sa kasaulogan sa iyang 18th birthday.
Sa iyang Instagram account , gi-post sa Kapuso actress ang hulagway sa iyang sakyanan nga dunay dakong ribbon.
"Passenger princess era almost over.Happy birthday indeed,” caption pa ni Sofia sa maong hulagway.
Nova gisurpresa sa iyang Home Along Da Riles family
Nagmaya ang beteranang aktres nga si Nova Villa gumikan kay nagsilbing reunion sa mga bitoon sa sitcom nga Home Along Da Riles ang nadawat niya nga surprise birthday party
Gipaambit ni Maybelyn dela Cruz sa social media ang video sa maong espesyal nga kalihokan.
Gawas kang Maybelyn ,nitambong pud sa party sila si Boy 2 Quizon, Vandolph Quizon, Dang Cruz, ug Smokey Manaloto.
Ang Home Along Da Riles kay gibidahan sa Comedy King nga si anhing Dolphy ug gi-ere kini sa ABS-CBN niadtong 1992 hangtod sa 2003.
Jolens gikilig ni Kim Seon-ho
Puwerting lipaya ni Jolina Magdangal gumilkan kay nakakita na gyud siya sa iyang idolo nga South Korean star nga si Kim Seon-ho.
Usa siya sa linibo ka Filipino fans nga nidumog sa bag-ohay lang nga fan meeting ni Kim Seon-ho sa Mall of Asia Arena .
"First time ko na makapag-fan meet kahapon. On the way palang sa MOA, hindi na ako makahinga sa kilig… Pa'no pa kaya kung nakasali ako sa mga maglalaro at makakatabi at makakamayan siya.. GRABE!!!!!!! Ewan ko na. Haaaaaay…," caption pa ni Jolina sa gi-upload niya nga video sa Instagram.
Liza gihimong hurado sa film festival sa Vietnam
Padayon nga naglawig ang pangalan ni Liza Soberano sa laing nasud ug siya maoy usa sa mga nagsilbing hurado sa bag-ohay lang nga natapos nga Ho Chi Minh City International Film Festival (HIFF) didto sa Vietnam.
Gisul-ob ni Liza sa maong kalihokan mao ang gown nga mugna sa Filipino designer nga si Anthony Ramirez.
"So thrilled and honored to have served as a jury member for the first ever Ho Chi Minh International Film Festival. Was such an amazing showcase of talented filmmakers from all over the world!! Truly so inspired to continue working in an industry that encourages freedom of expression and challenges the way we think. Congratulations to all winners!" Instagram post ni Liza.
Tinud-anay nga higala
Gibutyag ni Dimples Romana nga tinud-anay gyud ang panaghigalaay nila ni Kathryn Bernardo ug giisip niya kini nga sama sa tinoud nga igsoun. Gipasigarbo niya ang naangkon nga kalamposan ni Kathryn sa kinabuhi niini . Usa si Dimples sa mga nitambog sa housewarming party ni Kathryn.
PBB sa GMA-7?
Gidungog nga dunay pasiunang negosasyon aron makita pud sa GMA-7 ang bag-ong season sa Kapamilya reality show nga Pinoy Big Brother. Kahinumdoman nga nagmalampuson kaniadto ang mga kolaborasyon sa ABS-CBN ug GMA-7 sa pipila nila ka mga programa.
Gihugopan ang mall show
Dili gyud malilong ang pagsaka og maayo sa popularidad sa grupo nga BINI. Kanunay nga gidumogan ang ilang mga mall show sa nagkalain-laing dapit sa nasud. Niabot og kapin sa 8,000 ka mga tawo ang nidagsa sa ilang mall show didto sa Bonifacio Global City sa niaging adlaw.Gikanta nila sa maong kalihokan ang "Karera," "Salamin, Salamin," ug "Pantropiko."