Hugyaw nga all-out production number ang idalit sa Nation’s Girl Group nga BINI alang sa pag-awit sa ilang viral hit song nga “Pantropiko” sa "ASAP Natin 'To"karong adlawa nga makita sa Kapamilya Channel, A2Z, ug TV5.
Makauban usab nila ang pipila ka sikat nga Kapamilya artists.
Naglawig ang pangalan sa maong grupo sa Spotify, ug duna pud sila'y umaabot nga konsyerto.
Sa laing bahin, duna seleberasyon ang ASAP alang sa birthday nila ni Regine Velasquez ug Kim Chiu.
Nagpanikad usab ang musical feast kauban sila si Gary Valenciano, Regine Velasquez, Martin Nievera, Zsa Zsa Padilla, Ogie Alcasid, Vina Morales, Darren Espanto, Janella Salvador, Yeng Constantino, Jona, Jolina Magdangal, Klarisse De Guzman, Kyle Echarri, Jeremy Glinoga, Jason Dy, Bituin Escalante, Frenchie Dy, Sheryn Regis, ug Nyoy Volante .
Dili pud magpaulahi ang all-star dance performance nila ni Joshua Garcia, AC Bonifacio, Alexa Ilacad, Maymay, Darren, Jameson Blake, Gela Atayde, Joao Constancia, Jeremy G, Kyle Echarri, Race Matias, ug Ken San Jose.
Dun pu'y epic dance battle sila si Vina, Jacki Gonzaga, ug Chie Filomeno.
Kaye dugay naka-move on kang Lloydie
Sa tanan niya nga nauyab kaniadto, giangkon ni Kaye Abad nga naglisod ug dugay gyud siya nga naka-move kang John Lloyd Cruz.
“Ngayon ko lang din nare-recall eh. Nag-’Tabing Ilog,’ hiwalay na kami. So nahirapan ako mag-move on kasi magkatrabaho kami, magka-love team kami. Umabot sa point na mag-asawa kami sa ‘Tabing Ilog,’ so nahirapan talaga ,” saysay pa sa aktres sa pakighinabi niini sa Fast Talk with Boy Abunda".
Naabot sa punto kaniadto nga nakauyab na og bag-o si John Lloyd busa dili na kini managad kaniya gumikan kay magselos ang uyab niini. "Nahirapan ako mag-move on kasi magkasama kami sa trabaho," niya pa.
Star Magic mipahimagno sa publiko batok sa scammers
Gipahimagnoan sa Star Magic ang publiko nga magbinantayon gyud kanunay aron dili madala sa scammers nga nagpaaron-ingnon nga kabahin sila sa reality show nga "Pinoy Big Brother" (PBB) ug nagmugna-mugna kini og mga audition.
"We ask the public to be vigilant against scammers claiming to be part of 'PBB' and asking aspiring housemates to audition. The unauthorized use of the 'PBB' brand or any false representation as an employee of the show is punishable by law. We will keep you posted thru the official social media accounts of Pinoy Big Brother," tipik sa statement sa talent agency sa ABS-CBN nga Star Magic.
Una na nga gibutyag sa Star Magic head nga si Laurenti Dyogi nga buksan na og balik ang "Pinoy Big Brother" karong Hunyo.
Jolina mobalik sa pag-arte
Mobalik na sa pag-arte ang Queen of Pinoy Pop Culture nga si Jolina Magdangal. Duna siya'y umaabot nga proyekto sa Dreamscape Entertainment. “The Queen of Pinoy Pop Culture is ready for a comeback! An exciting Dreamscape Entertainment masterpiece with the one and only Jolina Magdangal-Escueta is on your way!” social media post sa Dreamscape.
Sweet gihapon
Puwerting lingawa ni Kathryn Bernardo sa iyang housewarming party nga gitambongan sa iyang mga soud nga higala. Lakip sa nitambong niini mao ang Kapuso actor nga si Alden Richards. Sama sa nahitabo niadtong birthday party sa aktres, sweet gihapon kaayo ang duha.
Wala mahupas ang chemistry
Mapasalamaton sila si KD Estrada ug Alexa Ilacad ngadto sa ilang fans gumikan sa todo nga pagsuporta niini sa ilang tandem hangtod karon. Nagpaila kini nga wala'y paghupas ang ilang chemistry. -
Darren ug Kyline aprobado ni Mavy
Gitataw ni Mavy Legaspi nga wala ra siya'y problema ang pagtupo sa mga tawo ngadto nila ni Kyline Alcantara ug Darren Espanto.
“I have no problem, kasi Darren and I are very close friends,” saysay pa ni Mavy ngadto sa GMA News.
Gikatahong ex-girlfriend ni Mavy ang aktres nga si Kyline.
Nahitabo ang pagpanungog kang Darren ug Kyline sa usa ka episode sa It's Showtime sa niaging adlaw.
Ronnie pasok sa “Abot-Kamay na Pangarap!”
Si Ronnie Liang ang latest star nga nisulod sa Kapuso series nga “Abot-Kamay na Pangarap!”
Dili matud pa masukod ang gibati niya nga kalipay nga mahimong kabahin sa maong top-rated series.
“Ako po si Doctor Maniago, ang medical director ng San Regado Medical Hospital. Hindi sila nakakaalis dito dahil dineklara ko ho ang total lockdown ng ospital," saysay pa niya ngadto sa GMA News.
Nahimout siya sa kaboutan sa iyang co-stars sa maong teleserye.
“Parang matagal na kaming magkakakilala. Mababait, down to earth, approachable, friendly, accommodating,”matud pa sa singer-actor.
Paghangop sa DonBelle sa ilang mga karakter
Gibutyag nila ni Donny Pangilinan ug Belle Mariano nga nakatabang gyud sa pagpalambo sa dagan sa ilang karera isip mga artista ang mga karakter nila sa Can’t Buy Me Love.
“I’ve been doing Caroline for how many months and marami ko rin nadiscover sa kaniya and like every time I’m with the cast, whether it’s the Tiu or the Binondo side, I could really say na they are my family outside of the show na and that’s something I’ll carry even after this,” matud pa ni Belle atol sa media conference sa niaging adlaw .
Gipaambit usab ni Donny ang iyang kasinatian sa pagdawat sa iyang karakter isip Bingo.
“Sobrang daming first din para sa akin and actually sa aming dalawa ni Belle.kasi yung teleserye ibang usapan na iyon. Ito kasi we live and breathe our characters at times talaga hindi namin nakakalimutan na minsan may Donny pa rin, may Belle pa rin kasi minsan every day na kami nagsho-shoot," ni Donny pa.
Nakaingon usab si Donny nga kusog gyud ang ilang teleserye sa dihang tawagon na siya sa mga tawo sa pangalan sa iyang karakter, imbes ang tinoud niya nga pangalan.
“First time ko rin maranasan na ang daming tumatawag sa akin na Bingo na talaga and doon ko nakikita na okay marami ngang nanonood ng show," dugang pa sa aktor.
Gisaysay usab ni Donny ang nagkalain-laing habig sa iyang karakter.
“Yung white side ng character ko gagawin niya ang lahat para sa iba, para sa pamilya niya, para sa mga mahal niya sa buhay.
Pero nagiging black din yun kasi sometimes too full na nakakalimutan niya yung sarili niya," sa aktor pa.
Wala nagbalik
Hingpit na nga gipapas ni Bea Alonzo sa Instagram ang mga hulagway nila sa kanhi niya boyfriend nga si Dominic Roque.
Nitumaw ang mga obserbasyon nga matud pa wala gyud diay nagbalik sila si Bea ug Dominic.
Una na nga nigawas ang taho nga sekreto ra kaayo nga magkita ang duha ug dinhi nag-ugat ang maong chismis.