CEBU, Philippines — Nihatag na og komento ang aktor nga si Alden Richards kalabot sa nag-viral nga video nga nagpakita sa sweet moments nila ni Kathryn Bernardo . Kahinumdoman nga ang maong video kay kuha sa post -birthday celebration ni Kathryn .
Sa interview ni Alden sa 24 Oras , nipadayag ang aktor og "What you see is what you get."
Suma pa sa aktor nga personal na kaayo ang maong butang.
"Hindi lang din talaga kailangan lagi ipamalita sa social media 'yung mga ganiyan. You know, sometimes 'yung mga personal things that's happening, better be personal na lang," dugang pa niya. Kahinumdoman nga nagka-close ang duha sa pelikulang Hello Love Goodbye . Gikataho usab nga sugdan karong Agosto ang shooting sa umaabot nila nga reunion movie.
Francine nakahimamat kang Kwon Yuri
Dili gyud masukod ang gibating kalipay sa Kapamilya actress nga si Francine Diaz gumikan kay nahimamat gyud niya sa personal ang sikat nga South Korean singer - actress nga si Kwon Yuri atol pagtikang niya sa Asia Star Entertainer Awards (ASEA) didto sa Japan niadtong Miyerkules.
Dali nga nakapahulagway si Francine sa maong Korean star.
Si Kwon Yuri kay miyembro sa iconic Korean girl group nga Girls' Generation.
Pipila sa sikat niya nga mga proyekto kay ang "Bossam: Steal the Fate," "Invincible Youth" "My Teenage Girl" ug uban pa.
Respeto sa bag-ong uyab
Gitataw ni Kylie Verzosa nga dili na kinahanglan nga mabalik pa ang panaghigalaay nila sa iyang ex-boyfriend isip respeto sa iyang kasamtangang boyfriend , ingon man usab sa bag-ong partner sa iyang kanhi hinigugma .Daghan gyud siya og nakat-onan sa niagi niya nga love life ."I don't believe exes should be friends. Respeto rin sa bago mong partner, at sa bago niyang partner. Ako, you can be civil pero hindi na kayo nakikipag-usap. To me medyo weird 'yun. You can be civil, you don't have any bad feelings against each other but I don't think there should be friendship kasi bakit pa?, saysay pa ni Kylie sa interview niini sa vlog ni Ogie Diaz .
Peke nga video
Gipahimagnoan sa TV host nga si Amy Perez ang publiko nga dili angayan nga touhan ang nikatap karon nga video sa Facebook nga matud pa nag-endorse siya og tambal alang sa mga babaye nga nag- menopause. Suma pa ni Amy nga peke ang maong video ug tataw nga gigamitan kini og artificial intelligence o AI.“Nag-appear siya sa feed ng isang kaibigan ko. Pinadala niya yung link sakin, sabi niya, 'Mars, ikaw ba ‘to?' Pinakinggan ko. Hay, parang boses ko talaga! Ang galing di ba pero sobrang nakakatakot,” saysay pa ni Amy ngadto sa ABS-CBN News.
Kyline nilugwa sa "It's Showtime"
Gibutyag sa Kapuso actress nga si Kyline Alcantara nga ang pag-perform niya sa ABS-CBN noontime show nga "It's Showtime" sa niaging adlaw kay nakapakusog sa iyang "confidence". Gi-perform niya ang "Save Your Tears" kauban ang Kapamilya singer nga si Jeremy Glinoga."As usual, napakasarap sa pakiramdam. To be honest, kinakabahan po talaga ako ... Actually, ito pong experience ko ngayon, it gave me more confidence na ipakita sa mga tao,"ni Kyline pa.
Rhian pasok sa "Pulang Araw"
Nagmaya si Rhian Ramos gumikan kay malakip diay siya sa umaabot nga Kapuso series nga "Pulang Araw" ug todo gyud ang pagpangandam niya sa maong proyekto.
"Paulit-ulit ko talagang nire-rehearse 'yung mga lines ko para makuha ko 'yung tono nang tama.And also, may mga requirements sila na iba't ibang skills pa from me. I need to be able to dance, I need to be able to sing aside from du'n sa acting," saysay pa niya ngadto sa GMA News.
Kahinumdoman nga sila si Barbie Forteza, Sanya Lopez, David Licauco, Alden Richards ug Dennis Trillo maoy unang gianunsyo nga malakip sa maong historical action-drama series.
K-Pop group nga BB Girls nanuroy sa Bohol
Nanuroy sa Bohol ang mga miyembro sa BB Girls (kanhi Brave Girls) nga sila si Minyoung, Eunji ug Yuna.
Base sa ilang mga post sa Instagram, nag-enjoy og maayo ang maong K-Pop girl group sa nindot nga mga resort sa maong dapit .
Sa dihang nigamit pa sila sa pangalan nga Brave Girls, gipasikat nila ang "Rollin'" . Giwagtang na ang pangalan sa ilang grupo human na-expire ang ilang kontrata sa Brave Entertainment sa niaging tuig .
Sa dihang nibalhin na sila sa Warner Music Korea , gipadayon nila ang ilang grupo pinaagi sa bag-ong pangalan nga BB Girls.