CEBU, Philippines — Gipasigarbo sa OPM band nga Ben&Ben ang laing kalamposan nga naangkon sa P-pop girl group nga BINI human nakakuha kini og laing milestone sa online streaming platform nga Spotify.
Base sa bag-ohay nga ranking sa Spotify charts, naglawig ang BINI ug nalandig kini sa No. 7, samtang ang Ben&Ben kay naa sa No. 8.
"Uy, medyo random pero haha napag-usapan namin kayo ng band kanina sa rehearsal. Sobrang nakakaproud yung mga achievements n'yo lately. Sobrang congrats lalo na sa sold out concert!!", mensahe pa sa miyembro sa Ben&Ben mga si Agnes Reoma ngadto sa BINI.
Ang BINI kay gilangkoban nila ni Mikha, Aiah, Colet, Maloi, Gwen, Stacey, Jhoanna ug Sheena.
Natawo ang maong grupo niadtong 2021 inubanan sa ilang single nga "Born to Win."
Hustisya alang kang Taylor Sheesh gipaneguro ni Mayor Niña Jose
Gipaneguro ni Mayor Niña Jose-Quiambao sa Bayambang, Pangasinan nga mapahamtangan gyud og tukmang silot ang tawo nga maoy responsable sa pagtamay-tamay ug pagtukmod sa Pinay performer nga si Taylor Sheesh. Gikatahong giliog pa gyud siya og dapat sa maong lalaki.Nahitabo kini sa usa ka event sa Bayambang, Pangasinan sa niaging gabii.
Nangayo og pasaylo si Mayor -Quiambao ngadto kang Taylor Sheesh gumikan sa paet nga kasinatian niini sa iyang lugar ug seguradoon gyud niya nga makab-ot ang hustisya.
Gikatahong nagtingkagol na sa prisohan ang maong lalaki. Matud pa niya nga dili siya makatugot og mga pagpang-abusar nga mahitabo sa lungsod nga iyang gialagaran.
“I will not tolerate homophobia and physical abuse in my town. I will make sure that JUSTICE will be dealt with. I am sorry to Taylor Sheesh that someone assaulted her during her performance! Don’t worry. Authorities have the person in question and this matter and incident will be dealt with accordingly. BYB is a peaceful and safe town and I CaNNot CONDONE this stupidious act! I am so mad and so angry!!!! SHAME on YOU,” social media post sa mayor sa maong dapit.
Direk Jose Javier gitudlo isip bag-ong chairman sa FDCP
Ang direktor nga si Jose Javier Reyes maoy bag-ong gitudlo nga chairman ug CEO sa Film Development Council of the Philippines (FDCP) ug mao kini ang posisyon nga gihuptan kaniadto sa beteranong aktor nga si Tirso Cruz III.
“Now the challenge begins,” suma pa sa direktor. Upat ka dekada na sa film industry si Direk Javier busa duna kini kabangkaagan sa posisyon nga naangkon niini.
Naestablisar ang FDCP niadtong Hunyo 2002 pinaagi sa RA 9167 ug ubos kini sa Office of the President.