Ogie at Regine, may binata na
Binata na rin ang unico hijo nina Ogie Alcasid and Regine Velasquez na si Nate.
Kahapon ay may upload si Ogie na naka-coat and tie ang anak.
Nauna nang nabanggit ni Ogie na lilipat ng school si Nate na junior high school na sa pasukan.
Nabanggit din ni Ogie sa interview namin para sa concert nila ni Odette Quesada na hilig ni Nate na mag-online shopping.
Yup, minsan daw makikita niyang nasa cell phone lang ito at nag-o-online shopping.
Pero pera naman daw nito ang pinambabayad, ‘yung mga ipon sa baon ng anak.
Samantala, aminado ang OPM hitmaker/singer-songwriter na malaking bahagi ng childhood niya ang mga kantang isinulat ng OPM icon na si Odette Quesada, lalo na nga ang To Love Again ni Sharon Cuneta.
Kaya naman ganu’n na lang ang tuwa at kilig niya nang mabalitaan na pumayag itong makipag-back-to-back Valentine concert sa kanya, Love, Q & A, sa Feb. 14 at 15 sa Newport Performing Arts Theater.
- Latest
