CEBU, Philippines — Gihimakak sa aktres nga si Jane de Leon ang nikatap nga taho nga matud pa giisnab niya ang iyang fans sa dihang nitambong siya sa red carpet premiere sa “Five Breakups and a Romance”.
Matud pa niya nga putol ang nikatap nga video nga nagpakita nga wala siya nanagad .Apan ang tinoud nga nahitabo kay gidoul gyud niya ang iyang fans,
“First of all, introvert ako. I saw that (video) ‘yung kumalat kasi hindi ‘yun ‘yung full na nangyari so they thought na snob ako. Hindi nila alam na pumunta ako sa fans. I have that video. Ako naman, nag-e-enjoy lang ako,” suma pa ni Jane.
Magpares sa usa ka proyekto?
Gikatahong naka- unfollow na si Kathryn Bernardo kang Andrea Brillantes sa Instagram. Una na nga giintriga si Andrea ngadto sa uyab ni Kathryn nga si Daniel Padilla. Apan dunay mga netizens nga nilenggua nga posibleng paukyab ra ang maong chika ug dunay mga nagduda nga mag-uban sa usa ka pryekto sila si Andrea ug Daniel.
Rowoon mobalik sa nasud
Gikatakdang motikang og balik dinhi sa Pilipinas sunod tuig ang K-drama heartthrob nga si Rowoon . Makighimamat siya sa iyang Pinoy fans karong Marso 2, 2024 didto sa kaulohan ug kabahin kini sa iyang world tour nga “An Ordinary Day" .Lakip sa iyang bisitahon mao ang Taiwan, Thailand ug Hong Kong,
Makatrabaho ang boyfriend
Gikalipay og maayo ni Jane Oineza nga makauban niya sa horror comedy project ang boyfriend niya nga si RK Bagatsing. Pasok ang duha sa usa ka episode sa pelikulang Shake, Rattle, & Roll”. “Kakaibang experience din, talagang extreme din kasi yung una namin drama and romance and then yung second mas mature and daring. So ibang version na na naman namin ito. And super na-enjoy ko ito kasi marami kaming comedy din. Eh dream din namin gumawa ng comedy together so medyo na-check off din sa bucket list namin ang horror and comedy dito sa Shake, Rattle, & Roll,” matud pa ni Jane.