CEBU, Philippines — Usa ka Fil-Am doctor nga nakapangalagad sa White House sulod sa taast nga katuigan maoy usa sa mga hurado sa umaabot nga Miss Universe.
Ang maong Pinay nga doktor kay ginganlan og Dr. Eleonor Concepcion “Connie” Mariano nga natawo sa Pampanga apan didto na nagdako sa Amerika,
Siya ang labing una nga babaye nga doktor nga nagserbisyo kaniadto sa tulo ka presidente sa Amerika nga naglangkob nila ni George Bush (1989-1993), Bill Clinton (1993-2001), ug George W. Bush (2001-2009)-
Gawas sa presidente, nakapangalagad usab siya sa pamilya sa mga bise presidente sa maong nasud.
Bianca gitambagan ni Glaiza
Nagpanikad na ang Kapuso actress nga si Bianca Umali alang role niya nga Terra sa umaabot Kapuso series nga “Sang’gre,”
“Sobrang excited because ‘yung pressure and ‘yung takot is what fuels me to do my best,” saysay pa ni Bianca ngadto sa GMA News. Gitambagan usab siya sa iyang co-star nga si Glaiza de Castro nga dili magpaapekto og maayo sa pressure.
“Sinabi niya na ‘enjoy-in mo lang because masaya ‘yan.’ Kasi kinukwento niya sa’kin ‘yung experience niya lalo pa na siya si Pirena,” dugang pa ni Bianca.
Juday balik-teleserye
Gikupirmar ni Judy Ann Santos nga duna siya’y bag-ong teleserye ug dili pa niya ibutyag ang kinatibuk-ang detalye niini.
Gikatahong gisugdan na ang taping sa maong proyekto. Giila si Juday kaniadto isip "Queen of Teleseryes" , ug katapusan siya nga nakita sa telebisyon isip guest sa morning show nga “Magandang Buhay” sa niaging tuig.
Siya usab ang host sa “Paano Kita Mapasasalamatan?” sa panahon sa COVID-19 pandemic. Ang katapusan niya nga TV series mao ang “Starla” niadtong 2019.