Mulugwa sa TV5

CEBU, Philippines — Adunay himuon nga game show ang banggiitang kapamilya actor nga si John Arcilla sa Kapatid Network. Wala pa maplantsa kaayo ang detalye, apan ang tsika mao nga ang production team nga nagmugna sa Talentadong Pinoy kaniadto mao say mogama sa maong game show diin si Arcilla ang host. Ang Star Magic talent nga si Arcilla lakip sa toptrending series sa ABS-CBN nga Dirty Linen.

Indemand si Janella

Sa London mugnaon ang teleserye nila ni Janella Salvador ug Joshua Garcia ubos sa pagdumala sa Dreamscape Entertainment. Follow-up project kini sa JoshNella human sila nagkuyog sa Darna series. Samtang nigawas sab ang tsika nga adunay himuon nga international movie si Janella kauban ang sikat nga Thai actor nga si Win Metawin.

Gigamit ra

Front o trophy girlfriend ra matud pa ni Ricci Rivero si Andrea Brillantes. Kana kay ang tsika nga nasagap sa beteranong showbiz personality Cristy Fermin, bayot ang matuod nga uyab ni Ricci. "Parang trophy girlfriend, parang nagamit," ni Cristy pa. Dugang niya, "Front lang daw po si Andrea kasi laging nasusulat, nakikwento na ang jowa raw ni Ricci ay beki."

Unta si Jennica

Kumpirmado nga himuon sa ABS-CBN ang Pinoy adaptation sa sikat nga kdrama kaniadto nga What's Wrong With Secretary Kim. Ang Dreamscape Entertainment ang mogama niini. Panawagan sa netizens, si Jennica Garcia unta maoy himuong bida kay angayan matud pa siya isip secretary. Kumbinsido ang netizens sa talento ni Jennica gumikan sab sa iyang gipakita nga abilidad sa toptrending series "Dirty Linen."

Daddy Gregg

Kang Gregg Homan nabatyagan ni Angelica Panganiban ang pagmahal sa usa ka amahan nga dugay na niyang gipangandoy. Suma pa niya sa usa ka post, bisan diin na siya nangita niini, apan wala gyud niya makita, hinungdan nga nagtuo na lang siya nga sa pelikula ra kini mahitabo o sa mga libro ra ug dili gyud niya masinati. Suma ni Angelica, swerte kaayo ang ilang anak nga si Sabine, gumikan kay si Gregg maoy amahan niini, maoy unang kaduwa. "Maraming salamat sa pag ganap ng buong buo at higit pa. Mahal na mahal ka namin. Happy Father’s day daddy," mensahe ni Angelica kinsa nagdako nga walay amahan.

"Holy Trinity of Queen Z"

Kana maoy gihatag nga titulo sa fans niining hulagway nga gi-upload ni Kyline Alcantara niadtong Domingo sa IG, diin kauban niya sila si Belle Mariano ug Andrea Brillantes. Aduna say nahugyaw kay ang mga nahisgutan kanhi child stars ug karon puros na mga sikat---si Belle ug Andrea sa ABS-CBN ug si Kyline sa GMA7. Panawagan karon sa fans mao nga magcollab unta ang duha ka mga networks og project diin bida silang tulo.

Napagan sa gubot

Napagan ang miyembro sa GMA7 girl-group XOXO nga si Muriel Lomadilla sa isyu tali sa TAPE Inc. ug TVJ dabarkads.

Nalakip siya sa sitcom ni Vic Sotto sa GMA7 nga mao ang 24/7, hinungdan nga wala na siya palugwaa sa Eat Bulaga diin regular ang iyang grupo isip performers.

Suma pa niya, nauna ang 24/7 busa agig respeto samtang init pa ang isyu tali sa duha ka mga habig wala na lamang usa siya gipaapil sa TAPE.

"Kasi po, parang hindi lang po kami nag-try mag-usap… parang out of ano lang din po, parang respect po. Kasi nauna po yun [Open 24/7].

“Pero yung goal lang po ng XOXO sana is to be seen as a group kaming apat. So, naghanap lang po kami for so long ng avenue na kaming apat yung ipapakita sa TV for promotion.

“Yun nga lang… perfect po sana yung Eat Bulaga!, pero yun nga po, merong issues na ganun.

“Sana po, when the time comes na mabigyan po ako ng chance. Pag humilom na po yung sugat po,” nagkanayon siya dihang nahinabi sa PEP sa presscon sa Magandang Dilag.

Apil sa Magandang Dilag si Muriel isip bestfriend sa bida nga si Herlene Nicole Budol o Hipon Girl. Samtang ang ubang miyembro sa XOXO mao sila si Lyra Micolob, Dani Ozaraga ug Mel Caluag.

Hilomhilom lang

Dili pa gyud magteleserye si Jericho Rosales karong panahona. Suma pa niya, paghimo og film ug music una iyang priority.

"Pinark ko muna yung TV work ‘coz I wanna focus on films, and of course, series on streaming services pero mas limited, " niya pa.

Katapusan nga teleserye ni Jericho mao ang toprating nga "Halik" niadtong 2018 kauban sila si Yam Concepcion, Yen Santos ug Sam Milby.

Pero kun adunay maanindot nga teleserye nga itanyag ngadto niya, dili niya kini balibaran.

"I will never close my doors on any project as long as it's great, it's good and I connect with the project. You know me, my last show Halik, talagang 110%, talagang dugo, pawis at baling buto at kung anu-ano pa," niya pa.

Matud sa award-winning actor, may mga nagtuo nga dili na siya ganahan motrabaho, pero naghilomhilom ra gyud siya.

“I'm actually working on my own films. I'm writing my own film, I'm producing my own film. Di lang kasi ako yung tipong tao na magpo-post sa social media ng mga ginagawa ko agad-agad."

Kasamtangan niyang gihimo karon ang international project nga giulohan og Sellblock ug malakip sab siya sa bag-ong sequel sa OTJ movie ni direk Erik Matti.