Ni-message sa TVJ

CEBU, Philippines — Nipadala og mensahe pinaagi sa usaka higala si Isko Moreno ngadto sa TVJ, sa dayon na niyang lugwa sa Eat Bulaga isip bag-ong host.

 Matud ni Isko dili siya kinahanglang mananghid pero agig respeto gipahibawo niya sila si Tito, Vic, ug Joey.

Suma ni Isko, dili matud pa nila tuyo nga hulipan ang TVJ kay dili gyud kini mahitabo.

Maningkamot lamang matud pa sila nga mapadayon ang paghatag og kalingawan ug pagpaabot og tabang ngadto sa publiko pinaagi sa maong noontime show. 

Niya pa, adunay bag-ong segments nga ipaila unya sa Eat Bulaga.

Pilipinas ang daog!

Nidaog ang pambato sa Pilipinas sa Miss Environment International 2023 nga si Shannon Robinson kinsa produkto sa Mutya ng Pilipinas nga gidumala ni Cory Quirino.

Sa pageant nga gipahigayon didto sa Mumbai, India niadtong June 15, nidaog sab si Robinson isip Miss Active ug second siya sa Miss High Fashion selection.

 Si Robinson ang ikaduhang produkto sa Mutya ng Pilipinas nga nidaog og international crown karong tuiga. Ang una mao si Annie Uson nga napiling Miss Chinese World didto sa Hongkong sa nilabay nga bulan.