Postponed, or dili na gyud?

Pormal na nga gipahibawo nga isibog una ang paggama sa Pinoy adaptation sa Korean movie "A Moment To Remember." Suma sa official statement nga giluwatan sa mga producer nga mao ang GMA Films, Viva Films, ug APT Films, "conflict of schedule" ang rason nganong postponed una ang paggama sa maong pelikula. Apan, kahinumduman nga sa nanlabay nga mga adlaw daan na nga may huhungihong nga dili na mahinayon ang maong project gumikan kay nagkasumpaki ang mga bida unta niini nga sila si Alden Richards ug Bea Alonzo. Suma pa, niulbo ang panagsumpaki sa dayon nang paghuman sa Pinoy adaptation sa kdrama nga Start-Up. Hinuon, ang official statement sa kampo ni Bea mao nga puno gyud ang schedule sa aktres karong tuiga, ug priority niini ang iyang mga tulubagon sa GMA7 diin aduna siyay kontrata.