Wow, Janna!

Usa sa mga gikagubtan sa netizens sa gipahigayong Star Magical Prom niadtong March 30, mao ang 14-years old nga bida kaniadto sa ABS-CBN drama-series “Ningning” nga si Janna Agocillo. Kini kay labihan na ka maanyag sa dalagita ug maayo na kaayong mutabi. Daghang niingon nga anggid siya kang Miss Universe Philippines Celeste Cortesi og dagway, ug sa tukmang panahon angayan sab matud pa kini nga mamahimong beauty queen.

Lenggua ni Janna atol sa nahisgutang Star Magic event nga nawagtang man matud pa siya sa mata sa publiko sukad niadtong 2020 gumikan kay natanggong ra siya sa balay tungod sab sa pandemic, wala kini nagpasabot nga nihunong ang ilang trainings aron mamahimong mga maayong artista. Sa ila matud pa nga paglugwa og balik pinaagi sa Star Magical Prom, buot matud pa nilang ipahibawo nga andam na sila nga mohimo og mga bug-at nga proyekto aron ikapakita ang bunga sa ilang training atol sa lockdown.