Hello birth month

Mao kanay caption sa sikat nga social media celebrity ug artista nga si Ivana Alawi niining maong hulagway nga iyang gi-upload sa Instagram niadtong December 1. Nasayran nga sa December 25, ang birthday ni Ivana. Mag 26 anyos na siya.

Gilungkab ang sakyanan

Nabiktima og “basag kotse gang” ang manag-uyab nga sila si Ronnie Alonte ug Eloisa Andalio didto sa Cavite. Suma pa sa balita sa ABS-CBN, nakawat ang duha ka units sa Iphone 11 ug usa ka Iphone 13 sa magka loveteam nga katapusang nakita sa Iwant TFC series Love In 40 Days.

“Loonyoverse”

Ready na si DJ Loonyo alang sa iyang umaabot nga concert nga mag-ulohan og Loonyoverse nga ipahigayon didto sa Quezon, City. Sing and dance gyud ang iyang ipakita sa mga motan-aw sa maong concert diin may mga kauban sab siya nga mga sikat nga social media personality. Espesyal kining maong concert alang kang DJ Loonyo sanglit dili lamang siya performer, apil sab gyud siya sa tanang aspeto niini. “Yes, sobrang hands-on to the point na pati choreography, ‘yung flow ng event, ‘yung buong repertoire talagang galing sa akin. Kasi, as a DJ rin, mas gusto koi ‘yung preference ko kung paano itatakbo ‘yung music ng sunod-sunod.”