Thea andam sa role nga tomboy

CEBU, Philippines — Andam ra modawat si Thea Tolentino og proyekto nga bag-o alang kaniya sama na lang sa role nga tomboy.

Bisan pa man nga wala pa siya kasuway niini,  apan nakita niya nga duna siyay igong kapasidad sa maong role.

Nagkauso karong panahona ang maong klase nga proyekto.

Kahinumdoman nga nagmalampuson kaniadto ang  online series nila ni  Andrea Torres ug Kylie Padilla kun diin nidala kini isip  lesbian lovers .

Heaven nag-negosyo og pagkaon

Gipaneguro ni Heaven Paralejo nga duna siya'y  makita  sa iyang mga hinagoan sa showbiz busa nag-umol siya og negosyo nga kan-anan.

Gibuksan kini dili pa lang dugay ug nanambong ang iyang mga higala nga sila si  Darren Espanto, ug AC Bonifacio.

Nitambong pud ang kauban ni Heaven sa upcoming series nga The Rain in Espana nga si Marco Gallo,ingon man usab ang co-star niya sa 2022 MMFF movie nga ‘Nanahimik Ang Gabi’’ nga  si Mon Confiado.

Aprobado sa inahan ni Ria

Gitataw ni Sylvia Sanchez nga suportado ra gyud niya ang desisyon sa iyang anak nga si Ria Atayde ilabi na sa pagsulod og seryosong relasyon.

Una na nga gidungog nga nagkasinabtanay na sila si Ria ug Zanjoe Marudo. Nitambong na usab si Zanjoe sa pipila ka mga family gathering ni Ria.

Ang labing importante alang kang Sylvia nga makakita siya  nga nagmalipayon ang iyang anak.

Mutya-Zaijan tandem nabatyagan

Adunay  bag-ong loveteam nga nahulma sa   ABS-CBN alang  sa  action-fantasy series nga “Darna” nga gibidahan nila ni  Jane de Leon, Janella Salvador ug Joshua Garcia.

Gikilig ang viewers sa tandem sa kanhi child stars nga sila si  Zaijian Jaranilla ug Mutya Orquia .

Gidala ni Mutya ang karakter ni Tricia, classmate ni Zaijian kinsa nidala isip igsoun  ni Darna nga si Ding.

Komportable ra si Mutya kang Zaijan sanglit iya na kini nga nakatrabaho kaniadto.

Sol Eugenio isip Agravain

Ang paghatag og kinabuhi sa karakter ni Agravain sa "The Path to Avalon : King Arthur, The Musical" maoy usa sa mga dakong highlight  sa  acting career  ni Sol Eugenio sa kasamtangang panahon partikular na sa natad sa dula sa entablado.

Malipayon  si Sol gumikan kay nakasulod gyud kini sa iyang tingoha nga makabaton og dili basta-basta nga acting project sa edad nga 50. Dakong garbo alang kaniya nga modala sa  karakter ni Agravain.

"As an Arthurian fanatic, I am really fascinated with the multiple persona of Agravain. The only character that possesses the modern man qualities too advanced in the medieval times. I read a number of novels online about him even before I joined this musical," suma pa ni Sol.

Ang maong pasundayag kay  mahitabo  karong Nobyember 26 ug 27 diha sa Centerstage sa  SM Seaside City.

Ang maong musical kay  molanat og kapin sa duha ka oras   ug gi-produce kini sa Alba Music Productions .

Si  Roldan Sagan Ardines ang direktor sa maong proyekto, samtang ang musika sa presentasyon  kay gidumala nila ni  Jim Donnachie ug Trevor A. Holmes.

Alang  kang Sol , suwerte gyud siya karong tuiga gumikan kay nagsagunson ang iyang mga proyekto

"This year, I was also lucky to be given an extra role as one of the Datus of Mactan since I did not pass the character that I am auditioning in 1521 The Movie. I am eyeing to play the role of Bea Alonzo's brother.

It was an exhilarating experience acting side by side with Hollywood actors like the legendary Danny Trejo,"niya pa.

Kakai nakaamgo na

Gipaneguro ni Kakai Bautista  nga dili na siya magpalabi sa iyang emosyon kun duna siya'y i- post sa social media.

Base kini sa iyang nakat-onan sa mga kaagi niya sauna.

Matud pa sa komedyanteng aktres nga dili siya ganahan nga magpaapekto sa mga ipanulti batok kaniya . Kahinumdoman nga dunay higayon kaniadto nga gisuklan niya ang iyang bashers.

Maglisod og tago sa relasyon

Dili na malilong ang relasyon nila ni Mavy Legaspi ug Kyline Alcantara gumikan kay gipaila na sila isip  “real couple” sa pipila ka proyekto sa GMA-7.

Ang duha maoy special guests sa   JulieVerse concert nila ni Julie Anne San Jose ug Rayver Cruz karong weekend. Apan kun sila ang pangutan-on kalabot sa ilang istado ,igo ra gyud sila mopahiyom..

Kapila na ka higayon nga nasigpatan  ang duna nga sweet kaayo luyo sa kamera.