Black Darna?

CEBU, Philippines — Nilugwa na ang kanhi kapuso nga si Kim Rodriguez sa Darna niadtong Miyerkules sa gabii. Nasayran nga wala nay kontrata sa GMA7 si Kim, ug bag-o na siya karon og talent manager: si Ogie Diaz. Kontrabida si Kim sa Darna. Siya ang giingong labing unang kontra ni Darna. Gipadayag ni Kim ang dako niyang kalipay sanglit, duha ka adlaw nga taping lamang diay unta siya sa maong ABS-CBN pantaserye, apan nauyonan siya ug gihimong regular na sa maong show. Ang tsika, siya matud pa ang Black Darna. Aduna say taho nga tulo ka buok ang iyang role sa maong serye, ug puros kontrabida.

Valentina pud

Samtang nilugwa na sab kagabii ang transformation ni Janella Salvador isip Regina ngadto na sa pagka Valentina. Unang higayon kadto nga nasaksihan sa mga fans sa Darna ang Valentina costume ni Janella. Nunot niini, napuno ang schedule ni Janella kagahapon aron i-promote ang maong episode. Lakip sa iyang gilugwaan kagahapon mao ang TV Patrol sa 6:30p.m., ug sa CNN Philippines pagka 9p.m. Ang Darna makita sa primetime pinaagi sa TV5, A2Z ug Kapamilya Channel. Mosunod kini sa TV Patrol, isip hulip sa FPJ’s: Ang Probinsyano. Naa sab sila sa Youtube: ABS-CBN Entertainment.

Balik trabaho

Balik pelikula na si Kit Thompson, pipila ka bulan human sa kontrobersiya nga iyang nalambigitan. Malakip siya sa pelikula nga Showroom sa VivaMax kauban sila si Quinn Carillo, Rob Guinto ug Emilio Garcia. Sa presscon, gipadayag ni Tom ang dako niyang pasalamat sa mga tawo nga nisalig gihapon niya bisan pa man sa nahitabo, sanglit naglisud gyud matud pa  siya nga makabalik sa showbiz. “I’m thankful na I’m back! Actually pinagdasal ko nga ito, eh, I think a week ago or something. Habang nag-iisip ako nagdasal lang ako and eto, dumating nga, so I thank the Lord for this.”

Lisura uy!

Ang role isip genius surgeon sa bag-ong GMA7 afternoon series nga Abot Kamay Ang Pangarap ang labing dakong hagit alang sa kanhi child star nga Jillian Ward sukad sa iyang pag-artista. “Sobrang dami ko na mine-memorize na medical terms na kahit po natutulog ako, paggising ko, naaalaala ko pa rin kahit ilang days ago ko nang binasa. Napakahirap pong maging doktor. Ito po, role pa lang, pero ang hirap nang mag-memorize. What more po yung mga nasa medical field talaga?”

Move on na

Nanawagan si Bb. Pilipinas first runner-up Herlene Budol nga hunongon na ang pagbash kang Miss Manila 2020 Alexandra Abdon. Nagsugod kining tanan niadtong 2020, dihang namulong si Abdon sa Wowowin ni Willie Revillame nga dili haom si Herlene mamahimong beauty queen. Gibash og maayo si Abdon gumikan niadto, ug sa kadugayan niangkon siya nga scripted ang tanan. Nagpinasayloay sila sa usa ka episode sa Wowowin. Apan sukad nakalangkat og titulo sa Bb. Pilipinas si Herlene, giukay na sab sa iyang fans ang pamahayag ni Abdon kaniadto, ug subling gi-bash ang nahisgutan. Hinungdan nga sa vlog ni Madam Inutz, nanawagan si Herlene nga hunongon na kining tanan. Giangkon niya nga napungot siya sa sinugdanan, apan hagbay ra matud pa kadto busa dili na angayang ibalik pa. “Tigilan na natin iyon, grabe naman kayo,” nagkanayon si Herlene, kinsa niingon nga sa kadugay dili na gyud gani siya makahinumdom sa tukmang tuig nga nahitabo kadto. Padayon niya, “Para sa akin, tigilan na natin yung pamba-bash natin kay Miss Manila. Ang sabi nga niya, scripted.”

Rob vs. Ava vs.Christine!

Kasamtangang #2 karon sa Top 10 Movies sa VivaMax ang erotic film nga Lampas Langit nga gibituonan ni Christine Bermas kauban sila si Baron Geisler ug Ricky Davao.

Molugwa na sugod karong adlawa ang pelikulang Bula nga gibituonan ni Ayanna Misola ug lakip sab si Rob Guinto.

Sa September 16, muhataw sab sa VivaMax ang The Escort Wife nga bida si Janelle Tee, ug malakip usab si Ava Mendez isip original nga escort girl nga malambigit sa karakter nila ni Janelle ug Raymond Bagatsing.