Mo-arte na…

Hinay-hinay na matud pa nga mobalik si Anne Curtis sa acting. Mao na kini sunod niya nga target human sa malampuson niya nga comeback concert ug sa pagbalik niya sa It’s Showtime diin kaduha sa usa ka semana siya molugwa. Hinay-hinay ang iyang proseso human usab nawala siya sa showbiz og duha ka mga tuig human nanganak ug gumikan usab sa pandemya. Naa na siya sa punto nga naghuwat siya og movie material nga makapa interes niya og maayo.

Very professional

Gipakpakan sa press ang gibutyag sa actor ug kanhi Survivor Philippines runner-up nga si Rob Sy nga usa ka adlaw sa dili pa ang shooting sa iyang pelikula nga Bingwit, nipanaw ang iyang inahan. Apan nipadayon gyud gihapon siya sa shooting pagka ugma gumikan kay naikod siya sa iyang mga kauban sa pelikula sanglit ready na ang tanan. Daghan ang nakadayeg sa gibuhat ni Rob kay nagpakita matud pa kini sa iyang pagka propesiyonal. Makita ang Bingwit sa labing bag-ong streaming app nga mao ang AQ Prime. Bida niini si Krista Miller, ug congressman ang role ni Rob.