Pokwang, ‘di na sumagot sa pag-iyak ni Ella

All set nang magpasaya tuwing umaga sina Pokwang, Rabiya Mateo, at Kuya Kim Atienza sa pinakabagong countdown variety show ng GMA na TiktoClock simula ngayong Lunes, 11:45 a.m.

Iba’t iba man ang personalidad at background ng tatlong hosts, swak na swak naman sila sa programang ito.

Ayon sa TiktoClock program manager na si Charles Koo, ideya ng creative team ng programa na pagsama-samahin silang tatlo, “Parang naging magandang idea to combine three very unique personalities. Kahit anong ibato sa kanila na segment sa TiktoClock, handang-handa sila dahil sa iba’t ibang personalidad at kakayahan nila.”

Samantala, wala nang sagot si Pokwang sinabi ni Ella Cruz na nasaktan siya sa kanyang komento tungkol sa ‘history is like tsismis.’

Kasalukuyan itong nasa Amerika kasama si K Brosas para sa kanilang concert tour. Ang huling tweet ni Pokwang ay : “Kaya ang gaang ng buhay mo ngayon, kaya ka malayang nakakasigaw ngayon kasi may mga naghirap na noon noon pa para sayo at sana wag mo iwaglit yan sa puso at isip mo.”