Starlet na kulay rosas, walang oras mag-move on
Aba kahit mahigit isang lingo nang tapos ang eleksiyon pero kuda pa rin nang kuda ang mga starlet na Kakampinks! Eh ‘yung ibang celeb na mas sikat sa kanila, tumahimik na!
Lumipad na nga patuong States si VP Leni Robredo para dumalo sa graduation ng isang anak, pero itong mga starlet na Kakampinks, walang oras para mag-move on at harapin ang trabaho kung meron man!
Nakakaumay na kasi. ‘Yun at ‘yun din naman ang hinaing nila! Walang bago, huh! Hindi naman mababago ang resulta dahil masyadong malaki ang agwat ng lamang!
Sa July 1 ang pag-upo nina President-elect Bongbong Marcos at presumptive VP Sara Duterte. Saka sila umepal pag may pakpak na ginagawa!
Kris pinapa-research ang sakit
Nakiusap si Kris Aquino na huwag idamay ang mga anak na sina Josh at Bimby sa pinagdaraanan niya ngayong karamdaman.
Masakit sa dibdib ang latest update ni Kris sa kanyang kalusugan sa Instagram. Eh dahil medical terms ang nakalagay na sakit niya, nag-request siya sa followers na i-research ito.
Ipanalangin natin na malampasan ni Kris ang krisis na ito sa kanyang kalusugan.
- Latest
