Ogie, ima-manage na si Ian!
Alam mo, Ateng Salve, may official announcement na si Ogie Alcasid tungkol sa pagiging part na ni Ian Veneracion sa growing family ng A Team.
Yes, ang grupo na ni Ogie ang nagma-manage ngayon sa career ni Ian.
Very soon ay may big presscon ang A Team para i-announce ang mga plano nila for Ian’s career.
Of course, may mga plano rin si Ogie na mag-concert sila ni Ian dahil click ‘yung KilaboTitos nila, huh!
Martin, babalik uli sa Amerika
Ang live episode ng ASAP Natin ‘To sa Sunday.
Sa Monday at Tuesday naman sila magte-taping.
Hindi pa rin weekly ang live episode ng Sunday musical show ng ABS-CBN.
Advantage naman ‘yon sa katulad ni Martin Nievera na paalis na uli pa-Amerika on Wednesday.
At least, may two fresh episodes pa na magagawa ang Concert King para sa ASAP Natin ‘To.
Kailangang pumunta uli ng Amerika ni Martin dahil may ilang shows siya na gagawin doon.
Bongga!
Anyway, parehong nakabalik na sa ‘Pinas sina Erik Santos (noong isang gabi lang) at Jed Madela na rumatsada sa shows sa Amerika, kaya ang tanong ng mga fan nila ay kung balik-ASAP Natin ‘To na ba sila sa Sunday?
Joey at Jinky, may us concert tour din
As we write this, nakaalis na pa-Amerika sina Joey Generoso at Jinky Vidal para sa kanilang Reminiscin’ US concert tour.
Sa Dallas, Texas ang port of entry nila, pero sa Houston na raw sila imi-meet ng Starmedia Entertainment, Inc. promoter na si Ms. Anna Puno.
Sa Stafford Civic Center ang first show nila ng April 29 (Friday) at sabi ni Anna, few tickets na lang daw ang natitira at mukhang maso-sold out sila.
‘Yun na!
- Latest
