Willie, may polyps sa colon at stomach, pinagdarasal na ‘di cancer
“Basta magla-live ako kung nasaan man ako, kung nasa hospital man ako,” pahayag ni Willie Revillame sa YT episode ng kanyang programa matapos siyang manghingi ng dasal dahil may nakita raw polyp sa kanya nang magpa-executive check up siya. “Merong nakita polyps sa ‘kin, isa sa colon at isa sa stomach. Medyo malaki po, one centimeter ‘yung sa stomach at ito po ay — sana ‘wag naman — pero prone ata po ito sa cancer.”
Dagdag niya wala siyang nararamdamang sakit. “Wala akong nararamdaman pero meron pala ‘kong polyps na ganun, so advice ko sa inyo na magpa-check up kayo. Nandyan ang ating mga dalubhasa.
“Tingnan niyo ako; ‘di ko in-expect na ganun. Wala akong nararamdaman pero meron palang nakadikit sa aking stomach.”
“Hinihingi ko lang na sana ipagdasal niyo ako na hindi maging cancer ‘yon,” sabi pa niya.
Sinabi rin nitong malabo pang magbukas angAdvanced Media Broadcasting System Inc. (AMBS) ni Manny Villar, dahil wala pa raw makakuha na talents para mga programming, wala ring silang basic network infrastructure like transmitters and studios.
Lalong hindi raw pwedeng bilhin ang frequencies ng ABS-CBN dahil diumano’y naibenta na ito sa TV5 and Globe.
- Latest
