Lovi, bumalik sa pinanggalingan

Nakitaan ng malaking potensyal ng mag-inang Lily at Roselle Monteverde si Lovi Poe nang una nilang makita ang aktres.

Ilan sa memorable movies na nagawa ni Lovi sa Regal ay ang Aswang, Temptation Island, My Neighbors Wife, The Escort, The Annulment at Woke Up Like This.

Pero sa bagong Regal movie ni Lovi, idea at concept niya ang natapos na movie na Seasons kapareha si Carlo Aquino.

“It was my idea, and I worked with Ms. Roselle closely to develop it. Regal is very open to collaborating with me as Seasons is my very first story that was made into film,” saad ni Lovi sa bagong venture bilang artista.

Kamakailan ay nag-renew ng movie contract sa Regal si Lovi.

“It’s like I’m going back to my roots because Regal Films was the first company that gave me a movie contract,” sabi ni Lovi.  Sina Mother Lily and daughter Roselle ang nag-develop ng kanyang dramatic talent.

Pokwang, nakakatulong na si malia sa kusina

Napapakinabangan na sa kusina ni Pokwang ang maliit pang anak niyang si Malia.

Ipinakita ni Pokie sa kanyang Instagram ang bonding sa kusina ng anak. Makikitang naghihimay ng gulay na alugbati si Malia para sa nilulutong monggo ng komedyana.

“My little helper sa kusina hahaha palibhasa paborito din niya ang alugbati sa monggo,” caption ni Pokwang sa IG.

Ang pagluluto ni Pokwang ay natutunghayan din sa Kusina ni Mamang sa Buko Channel. Umarte naman si Pokie sa Mano Po Legacy: Her Big Boss edition.