Happy for Kris

Gipadayag ni King of Talk Boy Abunda nga malipayon siya alang sa iyang higala nga si Kris Aquino kinsa engaged na ngadto kang Mel Senen Sarmiento. Malipayon siya nga malipayon si Kris. Apan wala pa sila nagkaistorya ni Kris kabahin niini sanglit nagsabot sila nga personal nga magkita aron mas nindot ang tsikahay. Malipayon sab siya sa pasalig ni Sarmiento nga dili niini pasagdan ang iyang higala. "I am happy because what I see on social media, I don't know if I have met Mel in person, pero pareho kaming Waray. I hear nothing but good things about him and that makes me happy because I know that he is going to take care of my friend," ni Boy pa.

Sarah mobalik na

Mahibalik na sa ASAP Natin To si Sarah Geronimo sa umaabot January 2022. Kini suma pa sa ni Viva big boss Vic del Rosario, kansang Viva Artist Agency maoy nagdumala sa career ni Sarah sugod sa sinugdanan. May mga pelikula ug concerts sab matud pa nga himuon si Sarah sa iyang pagbalik.

Si Anne pud

Hasta si Anne Curtis mobalik na sab sa iyang regular show sa ABS-CBN nga It's Showtime. Kini mahitabo sa umaabot February 2022, suma gihapon ni Viva big boss Vic del Rosario, kinsa mao pud ang nagdumala sa career ni Anne. Moduha ka tuig na sukad katapusang nakita si Anne sa maong noontime show. Kini human siya nilarga sa Australia niadtong December 2019, aron manganak, hangtud nga naabtan siya sa lockdown gumikan sa Covid 19 virus hinungdan nga naabtan siyag usa ka tuig sa Australia.