Yassi, nahirapang mag-aral ng surfing!
Kung mabibigyan ng pagkakataon ay gustong manirahang pansamantala ni Yassi Pressman sa Siargao.
Makikita sa Instagram account ng aktres na masayang nagbakasyon sa naturang isla kamakailan.
“Tumira po of course, for a couple of months lang siguro. Pero forever, I think I would have to still stay in my city because nandoon po ‘yung pinakamamahal kong trabaho which is acting.
‘Yung pagpunta ko do’n, that was nice kasi it was unplanned. I learned how to surf and for me that experience was amazing because gustung-gusto ko po ‘yung bagong adventures. I love trying new things. I love challenging myself,” pagbabahagi ni Yassi.
Kahit nahirapang matutong mag-surf ay masarap naman daw sa pakiramdam na gawin ito.
“Surfing is so hard. Sabi ko, akala ko athletic ako, hindi pala. Ang hirap, everything hurt and then ‘yung sunburn pa. So inside your body, outside everything hurts. But I found myself going back every day. And I love the challenge. I saw the people, when you get to talk to a lot of local people, mas naiintindihan mo pa ‘yung kultura nila.
Mas nae-explore natin ‘yung mga island natin. I wanted to explore more of our own pride. And Siargao is the pride of surfing of the world, almost. It’s great to talk to people ng experiences nila,” paglalahad ng dalaga.
Rita, walang pakialam sa sinasabi ng netizens
Kapansin-pansin ang pagiging aktibo ni Rita Avila sa social media sa pagbibigay ng kanyang opinyon tungkol sa lipunan at pulitika.
Para sa aktres ay ibinabahagi lamang niya sa publiko ang kanyang nararamdaman para sa kaalaman at ikabubuti ng lahat. “Siguro sa edad ko, gusto kong mag-share ng kung ano man ‘yung naiisip ko na mabuti. Kasi ang dami-dami ng mgakabataan ngayon na talagang sarado na ‘yung isip, mali‘yung mga alam nila.
Siguro umiiral ‘yung pagiging matandang nanay ko na gusto kong magsalita. Kasi normally, tahimik naman ako talaga,” paliwanag ni Rita.
Wala na raw pakialam ang aktres kung ano man ang magiging reaksyon o sasabihin ng ibang tao sa kanyang mga opinyon. “Magalit na silang lahat sa akin.
Basta ako, gusto ko ring maging ehemplo na hindi kakailangang maging bastos kapag nakikipaglaban ka or nag-post ka sa social media ng damdamin mo,” giitniya.
Samantala, tatlong taon na ang nakalilipas nang huling gumawa ng pelikula si Rita. Ngayon ay masayang-masaya ang aktres na napabilang sa pelikulang Walker sa direksyon ni Joel Lamangan.
Nagsimula na ang shooting para sa bagong proyekto. “Pagtawag sa akin ni direk Joel, ni hindi ko na natanong kung ano ‘yung role ko. Alam ni direk Joel naka-book ako for a vacation.
Pero inisip ko, ‘Ano, kung nakahiga ako sa buhangin, anong klaseng konsensya meron ako na pinakawalan ko ang napakagandang script at mga co-stars ko.’ At ayun nga, direk Joel pa,” nakangiting kwento ng aktres.
(Reports from JCC)
- Latest
