US concert tour nina Arnel at Bamboo, malakas ang bentahan ng ticket!

Tuloy ang US Tour nina Arnel Pineda and Bamboo titled First Light ng Spotlight Media Entertainment ni Ms. Pen de Leon-Manahan na bukod sa pagiging concert producer ay publisher din ng Spotlight Media Magazine sa States. Gaganapin ito sa Sam’s Town Hotel & Casino sa Las Vegas, Nevada sa September 17 at sa San Jose Center For The Performing Arts on September 25 at October 1 sa Snoqualmie Casino sa Snoqualmie, Washington (near Seattle).

Yup, naudlot man last year ang mga naka-line up na concert event ni Ms. Pen particular sa California na pangungunahan sana ni Joey Generoso and Rey Valera dahil sa pandemya, masaya naman ang Pinay businesswoman na nararamdaman nilang gradually ay umuusad na sa normal ang lahat.

Malakas ang bentahan ng ticket ng First Light. At ang una raw na-sold out, ang mga VIP ticket.

“ I’m so happy dahil ngayon pa lang, ang dami na talagang bumili ng tickets. Lahat excited sa concert nina Arnel at Bamboo, first time itong mangyayari,” pahayag ni Ms. Pen sa isang intimate chikahan with the entertainment press.

Nang tanungin si Ms. Pen kung bakit sina Arnel and Bamboo at napili niyang i-produce?

Si Arnel daw ay personal na niyang nakilala nang dumalaw ito sa bahay niya sa Anaheim Hills (Orange County) at nababaitan siya sa Journey lead singer. “I like Arnel. He’s so nice. Kahit international singer siya. Kahit sikat ang Journey group niya, wala siyang kayabang-yabang. I’m sure mabait din si Bamboo dahil ‘yon naman ang sinasabi ng mga nakakausap ko,” dagdag ni Ms. Pen na last 2019 nang i-launch ang kanyang Spotlight Media Productions.

Siya ang producer ng sold-out concerts nina Kaye Brosas and Angeline Quinto sa Amerika.

Kasama naman sa celebrity friends niya si Ruffa Gutierrez. “I met Ruffa through two of my dear friends, when we all had brunch together at the Beverly Hills Hotel. And what I love most about her are her social grace and her intelligence. I feel lucky knowing Ruffa Gutierrez,” papuri niya kay Ruffa.

Going back to First Light, binanggit ni Ms. Pen na susunod sila sa lahat ng health and safety protocols na ipatutupad upang maging safe ang lahat sa nasabing concert.

Lahat ng kikitain sa concert ay mapupunta sa charity projects niya dito sa Pilipinas.